荷李活男星安德鲁加菲（Andrew Garfield）近日接受《W》杂志访问时，提到喺2012年曾度过一个难忘嘅29岁生日，当时佢同8个朋友包括旧爱爱玛史东（Emma Stone），去左迪士尼乐园玩，仲食左个加料布朗尼蛋糕。

安德鲁加菲受访时话当时朋友突然嚟到洛杉矶畀惊喜佢，佢的几个去左迪士尼玩，仲食左加左大麻嘅布朗尼蛋糕。安德鲁忆述食左大麻后，佢的唔知自己做紧乜，一共玩左三次Space Mountain过山车，成班人周围行，甚至会不自觉跟住音乐跳舞，受访期间，安德鲁提到带队嘅导游都有啲内疚，佢话带队个女仔唔知佢的食左大麻先咁high，仲话希望所有游客都好似安德鲁佢的咁。最后，安德鲁强调自己唔系经常吸毒，仲呼吁年轻人唔好乱学。