【同庄思敏拍床戏】陈山聪呻背后辛酸：其实我系最辛苦

2017-02-02太阳网 > 娱乐新闻 > 157阅读0评论

文章>文章> 【同庄思敏拍床戏】陈山聪呻背后辛酸：其实我系最辛苦 157阅读0 评论

TVB贺岁剧《乘胜追击》大玩重口味连续三集都有陈山聪同庄思敏啲床战，庄思敏「汤碗胸」喺公仔箱老是常出现!呢套剧主要讲「义仔」陈山聪做世纪贱男，周旋喺「Dawn」傅嘉莉同「夏美诗」庄思敏嘅三角关系……

陈山聪今日出席宣传活动，问佢系唔系喺《乘胜追击》好多床戏?陈山聪就话：「其实有几场激烈动作场面，拍摄嘅时候几辛苦，不过好多谢Jacquelin(庄思敏)、Kelly(傅嘉莉)对我嘅信任，多谢导演嘅拍摄手法，令到观众觉得好激，喺拍摄同时大家都唔知背后嘅辛酸，其实我系最辛苦。」

陈山聪又话大家都系专业演员，好多野都系点到即止，除左kiss有锡嘴之外，其他只系蜻蜓点水，只系导演拍摄手法，令画面好似好劲咁，因为好多位要hold住，佢仲笑言：「同拍一套真正武打嘅动作片冇羊分别。」

问到觉唔觉得尺度好大胆?山聪讲：「我觉得咁喇!一套题材比较偏门啲，讲赌、讲老千，我觉得应该要有一啲元素喺度，虽然会喺电视尺度踩界，但系我觉得有呢啲先会丰富，希望观众都可以接受吓一啲另类嘅题材，我觉得有啲会睇到好开心，当然小朋友尽量唔好睇。」山聪又话呢套剧会更多高潮位，讲佢点同陈展鹏反目，佢会点对Jacquelin，最后自己会变成点，佢仲有啲剧透……最后佢演嘅「义仔」系一个人都冇喺身边。

山聪事前有同女友备案，读剧本嗰阵，女友都有喺身边，佢同女友讲呢场好激，女友仲讲笑指益左山聪，又指女友知道呢啲系工作。