香港大帽山顶出现超过10公斤垃圾营帐 环保人士拍片斥
发布于：2016-12-28 来源：太阳网
《我严重警告所有唔识回收同处理自己垃圾既人咪捻再行山露营扮亲亲大自然》
为免标题唔够清楚 我要再重申一次: 「我严重警告所有唔识回收同处理自己垃圾既人咪捻再行山露营扮亲亲大自然」
作为一个锺意行山既人 每一次系山度见到垃圾 都无明火起 行两步地下又有胶樽 行多两步又有食物包装 影张相又有张纸巾系地
为左安慰自己香港人唔系咁冇质素 亦都相信行山人士多数都系珍惜香港大自然 我就当个d纸巾食物包装只系个行山人士系个袋度罗野既时候唔小心跌出黎 绝对绝对绝对唔系有心的
但系 今日呢单野 真系触及左我条底线
做乜捻野系大帽山山头会有一个烂左既营仲要装满左垃圾系裡面？
初头同友人经过见到一堆白色野系侧边 都未有为意佢系羊 骤眼睇见到有d食物包装 仲立心不良谂住系咪可以系人地个营度偷两包薯片食
但系周围都冇人 而佢放既位置又实在太古怪 再望多两望打开黎睇…
屌！垃圾！全部都系垃圾！
唔系 我收返 系撇除仲用得既地垫较剪匙营灯 可以回收既水樽铝罐等等… 剩低个两成既纸巾厨馀先系垃圾
第一反应 呆左 第二反应 爆嬲加用从未试过咁流利既粗口破口大骂闹到对面狮子山都听到 第三反应 系度谂究竟点样处理呢堆野好？
同友人两个实在唔想见到堆垃圾放系路边 唯一既办法就系 夹手夹脚由山头罗返落去有垃圾桶同垃圾车到达到既地方处理左佢
但系 我真系唔系好明个物主点样可以用到呢个营周围都系窿 我地一路行 D垃圾就一路跌 跌完支营棍又到把较剪 唯有一路行一路执
行落山既沿途仲要不断受尽白眼 俾人觉得d垃圾好似系我地两个製造咁 无辜地变左做代罪羔羊
结果 我地两个人用左廿几分钟 先将呢堆足足重超过十公斤既垃圾由山头送到落个垃圾桶度
而系唔忍心见到d胶樽铝罐都俾人掉走埋 系冇手套既情况底下只可以略略将见到既回收物放返系个回收桶度
点知 摷摷下 俾我地系堆垃圾发现左张会员证写住「L Wan」既然系咁 我就衬呢个机会同呢位「L Wan」先生/小姐说说我既心底话：
「你好 我同友人今日系山头发现左一堆重成超过十公斤既垃圾 被人弃置左系大帽山山头
如果呢堆垃圾你冇份製造 只系俾人插赃嫁祸 又或者 你有份製造 但只系暂时放低 比我地迟左一步带走做回收分类同处理 咁 请你原谅我地误会左你
但系 如果堆垃圾你有份 而你又特登将佢留低系大帽山山头 觉得呢件事完全无问题 亦唔会作出任何改善
咁 我恳请你以后唔捻好再踏入郊野公园任何一步
我相信 任何一个有良知 有公德心既人 都唔会狠心将一堆咁重既垃圾放系山边
阁下系咪谂住山头会好似旺角街头随时有无所不在既清洁工帮你执手尾清走垃圾？
试问阁下知唔知一个清洁工要将咁多人掉既垃圾罗落山 系一件几咁辛苦既事 如果个清洁工系你阿爸阿妈老婆老公男女朋友仔女甚至乎系你自己 你会唔会都咁样亳不留情掉系山头？
定系你对垃圾同回收桶有认知障碍 唔知垃圾同回收物应该放系边？容许我建议你先系屋企慢慢学下点样用垃圾桶同回收桶 再踏足街头同山头 再者 我相信你系屋企都唔会随手将垃圾掉落地塞入衣柜扫落床底 因乜解究去到街头或者郊野公园阁下就会变得毫无自制能力？
如果你未生小朋友 我真系恭喜你 唔会再有一个心智未成熟既小朋友俾你作出极度错误既身教 而若果你有仔女下一代或下下一代 我会劝喻你唔好带佢地上山头 当佢地以为系山度乱咁掉垃圾才是正常事 我相信「垃圾山」既出现都不远矣
好多人上山头 系因为厌倦左系市区见到既各种生活病态 形形式式既商场 认为系野外可以搵到令佢地喘息既空间
但系好多人将系城市既生活习惯带到落郊区 结果 系市区经常见到既问题 已经逐步逐步系郊区浮现 再系咁 郊野公园变成另一个堆填区 都应该指日可待
最后 其实我系市区度执垃圾做回收真心做到有d攰 先希望可以系假日到郊区避下世 你地系咪咁都唔可以放过我 你班仆街俾我抖下得唔得？」
