太大压力为避男友？突返加国读书 同富豪男友玩完？
发布时间：2024-04-26
爽报 YesDaily.COM
205
今年3月有人在机场捕获廖碧儿（Bernice）同失婚富二代卢启贤（Calvin）由芬兰密游返港，但恋情曝光后，这位亿万富豪男友原来结过婚有个女，仲有一个疑似未斩缆慨泰国电讯公司太子女女友Nina，廖碧儿被狂插系第三者，今个月13日，Calvin又同Nina去亚博睇Bruno Mars演唱会，睇到都觉得好乱……
（复习TVB前花旦被狂插是第三者，大方回应却被男友频频打脸！宁愿做“小三”也要嫁豪门？）
正当大家以为廖碧儿“失踪”，原来系返咗去加拿大温哥华，话重返校园读书！Bernice接受李婉华电台节目访问，大谈昔日温哥华慨生活。
讲到佢自己最近去温哥华读书，佢话︰“我依家喺宿舍住紧，一个大学生嚟。”李婉华问佢系咪未完成啲心愿，佢话︰“系，好多人觉得点解隔咗咁耐会返嚟读，隔几年呢度（摸住头）都会谂一谂，我自己本身都好钟意读书，我唔知大家知唔知，我本身系读医，入大学想做一个医生帮人，中间转咗科，之后又选美啦，咁我成个世界转变咗去咗香港。”
李婉华问佢记性好唔好，佢拧拧头猛示意自己记性唔好，话要揾方法去记，好彩啲同学仔好好，而且大家慨age（年纪）相差大，不过就冇讲佢读乜。
佢话好享受呢个读书生活，李婉华话佢系咪唔使谂咁多、可以集中读书，佢话︰“唔系，我要谂好多嘢，每个星期都会飞番香港做嘢。”
读完六个礼拜，pass咗先知会唔会继续读，不过读书还读书，佢不忘返嚟拍剧揾钱，“唔得我唔可以离开我啲观众，有时间就会返嚟读，唔会俾自己太大压力，最重要系enjoy过程。”
