王曼喜出柜被终止合作基仔开骚新五虎合体吴浩康讲复合
原标题：王曼喜出柜被终止合作 基仔开骚“新五虎”合体 吴浩康讲复合
今日快报
宣布出柜被终止合作 王曼喜强调唔后悔
艺人王敏德与名模马诗慧的女儿王曼喜（Kayla）到中环出席活动，提到出柜后有品牌不和她合作，Kayla说：“唔系直接讲，而系有人话我知佢哋因为呢种原因唔同我合作。（多唔多？）我冇问清楚。”她强调不后悔出柜，因为正面的事不怕被人知：“我都系爱我想爱慨人，唔应该系秘密。（受到歧视心情有冇好差？）冇，只系少少惊讶，香港呢个咁国际化慨城市，都有啲比较保守慨谂法，希望可以有啲进步，多啲人留意，仲要宣扬爱就系爱，唔应该分。”
讲到妈妈曾担心没机会抱孙，Kayla笑言：“我细佬、妹都会有（小朋友），我哋沟通好close，有讲到就算我同女仔一齐，都有机会生小朋友，或者领养，所以佢都有机会抱孙。”问到将来想自己还是另一半生？Kayla指很大机会是自己：“我好钟意小朋友，觉得生育过程好特别，不过未知几时，好难讲。”
香港第一人！郭婉霞做DJ出骚跑匀东南亚
模特儿出身的艺人郭婉霞（Rose）虽然年纪轻轻，但年前已睇准时机，出埠向DJ界发展，算是首位跑完整个台湾及马来西亚各区包括古晋、吉隆坡、马六甲、芙蓉、槟城、JB、Ipoh、Kuantan做骚的香港女艺人，因当时马国甚少邀请香港艺人，自然比较吃香，加上Rose笑容甜美吸引大批Fans，她笑说：“最难忘系有粉丝由芙蓉再追到吉隆坡，千里迢迢为咗要我喺佢件衫度签个名。”
日前Rose获马国客户邀请到澳门出席宴会，巧遇多位香港前辈包括吴岱融、梁焯满、梁靖琪、韦家雄、罗钧满及戴耀明等，当晚焯满大搞气氛，扮姣咬唇扭Pat，感染到Rose也癫埋一份：“我好钟意同啲好爆慨人玩，其实我都想行搞笑路线，自己性格好男仔头，完全冇介意摆出豪迈姿态嚟个合照。”讲到偶遇前辈吴岱融，Rose表示一直很欣赏对方：“睇过佢慨电视剧，以为系一个好恶慨人，但原来佢好有礼貌好客气，绝对同啲角色唔一样！”
韦家雄孖女友甜蜜行婚纱展 Sweet爆拣婚戒
52岁韦家雄同女友Keynes今年初拍拖一个月就喺网上公告恋情放闪，佢呢对真神奇，虽然拍拖时间短，但已经有结婚打算，真系爱得高调。o依家佢两个拍拖都差唔多接近半年，两个人似乎唔系得个讲字，㖊日下昼韦家雄拖实女友Keynes去钻石山好莱坞广场婚纱展，个婚展一连五、六、日举行，㖊日系最后一日，韦家雄同女友亦最后冲刺，去到四围行睇婚纱同试婚戒，见佢哋坐咗喺一间专经营婚戒店铺向店员问咗好多嘢，Keynes笑得甜蜜蜜，韦家雄就细心陪未婚妻挑选，不时大笑，睇睇下有合心意戒指时，两人就实时带上手比较，都试过好几对戒指。
韦家雄喺20岁时曾经结过婚，同前妻生咗个仔，但最后都系离婚收场。后来都有拍过拖，但都系冇开花结果，佢入行以来都唔算多绯闻，只系传过追求过叶翠翠。另外就系喺2013年同艺员陈嘉嘉拍过拖，可惜维持咗3年就分手，原因系女方家人觉得韦家雄年纪大，同个女相距10几年，最后两个人和平分手。
暂时寄情工作 吴浩康讲复合：永远都有可能
吴浩康（Deep）、林若盈同曹震豪等喺荃新天地举行露天音乐会。早前宣布同女友李昭南分手慨Deep，心情似乎未有受太大影响：“多少有啲失落，但都要专注工作，因为工作慨机会好难得。其实facebook都有讲（分手），唔系边个做错嘢、唔系边个要箍煲，不过大家慨关系去到咁上下，想休息下，专心工作先。”
Deep强调双方系协议分手，气氛和平，o依家系好朋友关系。至于会唔会有机会复合？Deep就话永远都有可能，仲坦言之前有谂过结婚，但系大家慨性格同睇法唔系太一致：“我哋系因了解而分开。”见佢瘦咗好多，问Deep系咪为情消瘦？佢话：“唔系，嚟紧6月有电影同剧开，所以要keep住瘦啲。”
同场慨林若盈喺演出期间唔小心撞到嘴角流血，佢话：“我经常性好乌龙，唔记得带银包、电话、锁匙嗰啲。”佢话最夸张试过去台湾旅行，离开咗海关通道先发现漏咗电话，最后都揾唔番：“唔开心到眼泛泪光。”问佢男朋友系咪做24小时贴身保鏕？林若盈话：“男友又好，朋友又好，个个都会不停提我。”林若盈仲自爆18号就30岁生日，笑言希望唔好唔见咗个头：“其实都冇乜特别庆祝，应该会约埋几个新人去秦馨敏（陈辉阳旗下女歌手）屋企食鸡煲。”
古巨基被刘恺威爆：成日湿晒
古巨基昨晚在红馆举行第四场演唱会，基仔特别邀请了昔日他在无线被捧做“新五虎”的一班兄弟做嘉宾，包括影帝古天乐、刘恺威、吴家乐及已退出娱乐圈的何远恒。五人合体登场实时掀哄动，大银幕更弹出他们当年一张陈年旧照，他们即席在台上重演娘爆甫士，令观众捧腹大笑！基仔出名手汗多，刘恺威即大讲有味笑话：“基仔成日湿晒！”家乐则赞基仔用情专一，助手、女友同太太都是Lorraine！
基仔亦有在社交网晒出合照并留言：“五虎红馆合体！回忆统统回来了，一切尽在不言中，感谢你们！”
?转载授权微信：lama129
