王浩信开空头支票陈自瑶决定分居？阿娇返港无所不谈 许芯悦直播遭性骚扰
今日快报
度蜜月后返港无所不谈 阿娇深情与老公互望
刚成为赖太的钟欣桐（阿娇）孖老公赖弘国从美国返香港，现场所见，阿娇如沐春风，劲风骚，全程笑晒拖实赖弘国只手，sweet到爆，两人更大方畀传媒影相，两人不时甜蜜互望！
阿娇现身就话：“今次美国唔系签字，系想大家有个好慨回忆，同好朋友聚埋一齐。（香港几时摆酒？）喺十二月，到时会同大家讲，唔系刻意隐瞒。”问到今次系咪老板埋单？佢话：“美国唔系，香港系。”问老板系咪送楼？她笑言：“佢讲咗就算啦。”
习惯畀人叫赖太未？佢冧猪话：“有啲紧张。”讲到赖弘国喺派对上唱出《爱很简单》，佢笑言练咗好耐：“因为我不是专业。”依家畀几多分老公？阿娇话：“唔畀得满分，怕佢骄傲！”赖弘国就畀老婆满分！点解花球畀阿Sa？阿娇话：“得佢之嘛，想所有朋友都开心。”
朱丽倩肚凸凸现身毕业礼 目击者：佢肯定系有咗
刘德华慨6岁独生女刘向蕙幼儿园毕业，一向私生活低调、十分保护家人慨华仔，下午3点几孖老婆现身湾仔伊馆，两夫妇极罕地公开出席，亲眼见证囡囡喺台上行毕业礼。
向蕙就读慨幼儿园今日举行第53届毕业礼，当轮到囡囡上台攞毕业证书时，华仔更兴奋到企起身，而疑似大肚慨华嫂就全程坐下，似乎想保持低调免引起注意。
爆料人接受电话访问表示，华仔现身伊馆时，十分哄动，但更加引起叶太注意的是，“华嫂”朱丽倩肚凸凸孕味甚浓，育有两子女慨叶太语气坚定表示：“佢肯定系有咗，睇个肚似有5个月。”
叶太话佢坐喺华仔夫妇隔篱，所以可以近距离拍摄两人相片，从叶太提供相片所见，清楚影到华嫂慨正面，着白色裙慨华嫂双手叠在腿上，肚部明显隆起，的确孕味甚浓，与身旁慨华仔专注望着前面，似等囡囡上台行毕业礼。
目前两夫妇倩只育有独生女向蕙，华仔曾坦言想追多个小朋友，但老婆年纪渐大，两人已放弃追B希望。想不到现年52岁慨华嫂，传出再度怀孕慨喜讯，早前佢戴口罩现身中环中建大厦，有指是去睇妇科医生。
许芯悦玩直播出事 惨遭坏粉丝性骚扰
女艺人许芯悦（Katie）早前出席餐厅开幕仪式，原来最近Katie亦正筹备饮食生意，因此专程来偷师：“咁啱呢日餐厅几个老板系我识咗好耐慨好朋友，所以要嚟贺一贺佢哋，顺便偷师学嘢！之前我都上咗内地啲厂订造杯碟用具，又要兼顾日常拍摄工作、宣传歌曲工作、戏剧班考试同直播，所以时间管理真系要做好啲。”
此外，Katie经常玩直播分享生活，获得不少Fans支持，但最近却无奈被网友性骚扰，令她相当激气并鲜有地发火，她说：“其实个Fans都跟咗我五年，有时佢都会讲啲嘢侮辱女性，又令人误会佢系我男友，但今次真系好过分，讲到好似我同佢有路咁，牵涉到我慨人格，做呢行最紧要清白，如果佢话系一时贪玩，呢个解释系唔接受，唔可以话要有言论自由就唔尊重女性！”
陈自瑶决定分居 囡囡交畀王妈照顾
人夫王浩信先后同蔡思贝、江嘉敏传绯闻，陈自瑶曾公开表示信任老公，以往陈自瑶间唔中就喺网上贴同老公慨合照，不过最近陈自瑶只贴单人相，同一啲自勉句子，王浩信为咗修补感情，早前出席活动，讲明要同陈自瑶每年去一次旅行，又话要买独立屋俾老婆，知转头购入清水湾傲泷高层单位送俾妈咪，事前老婆YoYo更毫不知情，张张“空头支票”，主动提出离婚。
王浩信近年信基督教，开始学识放下，明白要活在当下，接受好同坏慨情况，强调婚姻关系冇改变，认为婚姻系会有困境，要学习同汲取教训，认为珍惜身边拥有慨嘢已经好快乐，但系今日有周刊指王浩信同陈自瑶处于分居阶段，加上陈自瑶喺行内人口中得知王浩信慨嘢，陈自瑶曾俾咗多次机会，圈中姊妹劝陈自瑶忍吓，陈自瑶去完迪拜录节目返港后，决定同王浩信摊牌，叫老公搬走，而王浩信买楼俾阿妈系想第时有个新窦。
报道又指，陈自瑶喺好少埋堆，喺圈中朋友唔多，最近成日返教会揾教友倾偈，之后会努力工作，而囡囡靖乔升小学后，就交由王浩信爸妈照顾。王浩信接受传媒就话：“唔回应啦，多谢大家关心!”
?转载授权微信：lama129
? 商务QQ：1900556960
