何雁诗遭坐地起价 婚礼场地临门挞Q


歌手郑俊弘荣升「6亿驸马」,与何雁诗将于周六结婚,但筹备期间却好事多磨,举行场地一改再改!疫情影响下,两人的美国婚礼泡汤,要改在港举行,但婚期前数日惨被餐厅开天索价,两人不甘被屈,决定临时转场行礼,令一对新人既愤怒又徬徨!

拍拖近3年半的郑俊弘(Fred)及何雁诗,将于周六拉埋天窗,踏入人生新阶段,但婚礼却一波三折!两人年初宣布订婚时,原本打算年底在美国酒庄行礼,但其后爆发疫情,故改为留港结婚。原本已订好场地,岂料距离婚礼只得几日,突然传出场地有变!据知,一对新人原本属意在1间欧陆式餐厅举行婚礼,但餐厅採取「拖字诀」迟迟不肯报价,等到最后限期才回覆,竟然是狮子开大口,开出一个「离晒大谱」的天价,令他俩嬲到爆之馀又要临时临急另觅场地,最后终落实在沙田某酒店的户外园林草地行礼。

「出轨」见番初恋男友

将成为人妻兼前日度过生日的何雁诗,昨日到电台宣传新歌《基本恋爱套路》时大方承认此事:「本身想简单啲,喺同一间餐厅入面搞掂晒(指行礼及食饭),但唔知係咪因为我哋好迟问,所以价钱好高好高、好唔合理,超出咗预算好多,所以临1个星期前改咗行礼地方,好彩有公关帮手!大概10日前先知要转地方,佢即刻当晚帮我哋搵,我都係头先啱啱先同行礼地方开完会,终于落实到。(有冇嬲嗰边或唔开心?)係处理手续上比较複杂,好彩我同Fred唔算过分紧张,身边姊妹同公关都好帮我哋,仲紧张过我哋!」

即将结婚仍勤力出来工作,何雁诗笑说:「其实到结婚前1日都仲做嘢,如果我喺屋企嘅话就会紧张!好似寻晚仲发噩梦,梦到我同初恋男友结婚,真係好担心,好彩起身见到Fred喺隔篱先即刻放心晒!」她透露婚礼细节已大致落实,问到是否已想好玩新郎环节?她笑说:「希望尽量短暂时间内用痛苦啲嘅形式完成。(捨得玩Fred?)其实主要都係玩伴郎团,张頴康嗰啲就要辛苦啲,对于玩佢我好捨得!总之甜酸苦辣、冰火都会有!」

认老窦有帮手:大部分自己畀

提到有指Fred荣升「6亿驸马」,何雁诗坦言不知父亲有多少身家:「我哋係财政独立,希望爸爸嘅钱自己储番,退休舒服啲。(Fred有冇唔开心?)唔知佢睇咗报道未,但我哋都睇得好化,最紧要同屋企人关係好。(结婚爸爸有冇帮手?)有啲嘢需要佢帮手,虽然疫情下我哋嘅收入都好低,但大部分都係我哋自己畀。」

此外,Fred跟夫婚妻一样在婚前把握机会勤力出歌,日前为剧集《木棘証人》主题曲《谜团》拍摄MV,以傻神探查案为主题,并以夸张搞笑演技表达,他笑说:「自细好锺意睇无厘头演绎方式,今次可以用喺MV上,真係拍得好开心,我仲特别要求畀我重现星爷用皮鞋形风筒吹头嗰幕经典场面。」

发表评论

电子邮件地址不会被公开。 必填项已用*标注