为内地网红求婚骚演出 谭咏麟遭批自贬身价


「校长」谭咏麟出道至今有唔少经典作品,喺音乐事业上获得好高成就,今年70岁嘅校长身家富裕,相信已经赚够安享晚年。近年校长已经好少喺香港出席活动及献唱,近期主力喺内地发展嘅校长接咗唔少内地商演,当中包括为内地网红求婚献唱。

呢位内地网红叫洋洋洋,并唔係好有名气,所以唔少网民都表示「黑人问号」,唔明点解校长会自贬身价,一个80年代风靡全亚洲嘅殿堂级歌手,如今竟然要为唔红嘅网红站台助兴!?

片段中,洋洋洋向女朋友求婚,校长著西装出场唱歌助兴,过程中同网红互动交流。直到网红洋洋洋喺台上当众向女朋友求婚,点知女朋友因父母唔锺意男朋友做网红及收入唔稳定而拒绝,女友仲喊住离场。大家都觉得好尴尬之际,校长突然唱《讲不出再见》,大家立刻 「Ding」一声知道原来只係一场表演。

发表评论

电子邮件地址不会被公开。 必填项已用*标注