钱嘉乐首次做导演阿Sa自爆整容黄翠如萧正楠唔结就分？
今日快报
好消息！晚晚有得睇《延禧》周末播足两集
内地剧《延禧攻略》近期热播，为咗照顾本地剧迷，等大家追贴啲内地个进度，翡翠台将会为播映日期作出新安排！由今个星期（8月20日）开始，星期一至日都会播，晚晚都有得睇后宫班女人大斗法！
10月5日大结局
《延禧》原本只系星期一至五晚上8点半至9点半，以及星期日晚上8点半至10点半播映，依家连星期六晚8时半至10点半都连播两集！新安排下，观众就可以一气呵成煲剧，仲预告10月5日就会播大结局！而星期六晚上原本时段播出慨节目，就会喺剧集结局后顺延播出。
饿足一年！何雁诗等出新歌回归乐坛
歌手何雁诗最近忙于拍摄无线剧《牛下女高音》，但同时不忘歌唱事业，她透露已着手筹备新歌：“已经一年冇出歌，好期待有制成品。之前去咗纽约登台，第一次去当地做骚，我兴奋咗成个星期！虽然前后只系去5日，但好感激剧组度期畀我。”
以往多演喜剧的她，早前首度拍摄严肃古装剧《天命》，并饰演贤妻良母，与现实有颇大分别。问到念对白方面会否有难度？她坦言：“虽然文绉绉，但有好多前辈喺身边，跟住佢哋做，感觉都可以。（有冇难忘场口？）有场戏我要爆喊，仲要著住丁字鞋喺走廊狂奔，拍咗几个锺，真系好攰！”
劲亲密！刘美君黄子雄拖手震惊网民
艺人刘美君（Prudence）早前出席活动时曾大爆自己享受恋爱，更呻话已经一年都冇拖拍，其感情状况令人相当好奇。点知最近Prudence居然上载咗张震惊网民慨相，佢喺相里面拖实“无线御用有钱人”黄子雄，因此惹来揣测，网民纷纷留言询问。不过Prudence就以英文留言指所有事情，就算眼见都未必为实，有好多人会为事件捏造故事、加盐加醋。佢仲强调“你系（系）乜人咪念（谂）乜野（嘢）囖（啰）”及“我自己放相一定比D（啲）狗仔靓”
张拖手相引起热议，Prudence接受访问时极力否认绯闻：“唔系呀！我唔系拍拖呀！救命呀、嗰张相玩?咋，我哋好Friend，由细识到大，冇可能（拍拖），系都唔会无端端拎出嚟啦。”其后她解释上载照片的用意：“因为嗰日喺商场有人影我哋，我哋咪自己影一张放上去（IG），我想讲慨message系好多人会因为一张相而幻想好多嘢，后果会好大。”Prudence再话：“佢都系单身。我哋两个难得单身，两个都系由细到大冇停过拍拖。”
变脸？阿Sa自爆“整容”：医生几好手势
艺人蔡卓妍（阿Sa）露肩谷微波现身中环的品牌活动，提到早前滑水意外撞伤左额，她透露这天要靠化妆遮住伤疤，平时就要贴去疤贴：“个整容医生几好手势，分好多层缝针。（男友呵番？）佢好紧张，四围问朋友，个整容医生系佢揾慨。”至于有否整其他部分？她反白眼笑说：“第日返工呀。（唔使返工就去？）都可以考虑。”
问到男友可有承诺无论变成怎样都要她？她甜笑说：“唔好咁老土啦！（男友有冇唔畀你再滑水？）冇，我钟意玩，可能迟啲要买个头盔！其实所有运动都危险，我呢行又靠样，都要护住个样。依家唔可以浸水，冲凉都要贴住。”提到最近去短旅行，她默认与男友去：“返工辛苦呀，去苏梅玩几日。最近成日落雨，好担心套戏进度，拍一日停几日。”
钱嘉乐首次做导演 好兄弟玩命力撑
钱嘉乐首度执导新戏，揾了一班好兄弟助阵，当中包括郑伊健、陈小春、林晓峰、谢天华等，他们当然亦个个瞓身演出，伊健凌空飞踢、小春悬崖上攀爬，真系乜都做齐，钱嘉乐亦好感恩有一班陪伴自己廿年的好兄弟，亦直言今次执导压力颇大，幸有他们一起什么困难都可克服！谢天华则表示相隔那么多年，大家再合作，感觉个个都成熟咗，能够再有机会走在一起拍戏，当然是非常开心。
翠如BB等唔切 同萧正楠唔结就“分”？
现年41岁的萧正楠与36岁黄翠如相恋四年，虽去年曾有传会旅行结婚，但最终只闻楼梯响，有传原因是萧正楠觉得自己要储够老婆本，有钱有楼，才有“资格”娶上市公司主席女儿、有“百亿千金”之称的黄翠如，由于至今仍未达标，令女方至今仍嫁杏无期。
女生青春有限，有指“等了又等”的翠如已无耐性再等下去，向男友逼宫若一年内不结婚，就要重新再将两人关系定位，看来萧正楠想留住翠如BB，真的要加把劲！
欢迎分享至朋友圈
?转载授权微信：lama129
? 商务QQ：1900556960
香港娱乐八卦
尽在
HKChannel
