古天乐尴尬见番23年前剧照李佳芯唔谂结婚恨吸金宝珮如角逐最佳女配
今日快报
最索星二代林恺铃入读港大建筑系
艺人龚慈恩18岁女儿林恺铃出席化妆品牌活动，被誉为“最索星二代”的她原来读书都好叻，她透露今年入读大学，更开心能入到心仪学系，她说：“读香港大学建筑系系我第一志愿。（系咪考得好好？）我读国际预科文凭（IB），满分45分，我攞咗41分，尽自己努力，已无悔。（妈咪有冇奖励你？）妈咪对我读书从头到尾都放手，当我好努力应付考试时，佢反而叫我出去玩，但我出嚟成绩对自己系一个肯定已好满足。（系咪一直成绩好，所以妈咪唔使担心？）都唔系，我细个挂住画画同音乐，成绩唔好，到中三、四先临急抱佛脚。”
问到已签杜琪峯公司旗下做演员，是否已有拍摄作品？她说：“都接拍咗啲嘢，啱啱拍咗微电影，呢方面都试咗几年，试咗都好有兴趣，依家可以说我系兼职。”她继又表示本想到外国读书，但觉得现在所有事都好钟意而决定留在香港。
拟印刷版将停刊 《TVB周刊》改网上版
每逢星期一出版、一书两册的《TVB周刊》于1997年5月创刊，前身为《香港电视》，于1967年11月19日无线开台日创立，两者均是TVB官方刊物，有指电视广播（0511）公布中期业绩，内容有提到《TVB周刊》印刷本将由网上版取代，即意味出版21年的印刷版将会停刊，但未知停刊实际日期。而一班TVB周刊员工仍然在无线工作，未收到任何消息。
宝珮如角逐亚太影展最佳女配角：好感恩
第58届亚太影展将于9月1日喺台北举行，其入围名单近日出炉，原来艺人宝珮如凭电影《蓝天白云》有份入围角逐最佳女配角，她即在社交网留言话好感恩：“感恩可以成为蓝天白云的一分子。”
而其他有份角逐最佳女配角，分别有凭电影《骨妹》慨廖子妤、《一念无明》慨金燕玲以及《红衣小女孩2》慨台湾女星许玮甯，唔少网友都话好期待，话好想知道边个能够夺奖。
男友起码等两年！李佳芯唔谂结婚恨吸金
无线艺人李佳芯（Ali）出席化妆品牌活动，之前有传Ali与男友陈炳铨将结婚，她否认说：“自从播咗《BB来了》后，啲人就传我就结婚，仲讲到我好似有咗BB咁。（有冇计划？）我今年忙拍剧，下年都系。（最少等多两年？）唔可以咁讲。（恨唔恨嫁？）我恨多啲钱、多啲嘢做啰，暂时冇谂咁多，我以前都希望28岁结婚，到依家都过咗好多年，唔会再Set目标。”
新剧演平民
对于近期热播慨《延禧攻略》，Ali表示有追看：“身边好多人有睇，我依家睇咗十几集，以演员身份睇又唔同，会留意佢哋服装、道具、灯光等等。（对剧中边个角色最有印象？）女主角缨络，佢好有观众缘，对眼好靓、好识做戏。”其后又表示自己以前亦拍过不少古装剧，但戏份都不多，而现正忙于拍新剧《杀手》：“但我喺剧入面唔系做杀手，只系做平民，所以唔使打，但就成日被人打。”
唔恨加人工
谈及TVB公布业绩，问到会否想有人工加？她说：“我人工OK，唔使揾好多，加得多负担大，唔想有太大压力，Keep住就好，最重要大家都有份，最好大家加两日年假。”至于放TVB周刊改为网上版，问会否觉得少咗平台？她表示不会，只是改了另一种形式。问到会否担心裁员？她说：“如果赚钱又裁员，呢个逻辑唔通，我唔识答。”
被摆上台！古天乐尴尬见番23年前剧照
影星古天乐（古仔）、张智霖（Chilam）、邓丽欣（Stephy）、郑嘉颖、柏天男、谢天华、陈庭欣与黄百鸣等，到铜锣湾出席新片《L风暴》首映礼，现场先为“八月之星”Chilam及嘉颖送上礼物贺寿，及后更拎出Chilam与古仔在95年剧集《天地男儿》的剧照作对比，相中古仔皮肤依然白皙，他看到相片后有点尴尬，笑指大会整蛊他，而Chilam则说：“影得咁老慨，当年个样好似寻日咁㖞！”
二人接受访问，问到古仔见到23年前旧照似不开心？他说：“系错愕，明明讲紧佢哋生日，冇啦啦又拎张相出嚟，被摆上台。点会唔开心，当然冇关系。”Chilam则笑说：“张相感觉上唔系好耐吓，当时系我哋仲系童星慨时候！”提到古仔将为新片变白？他表示：“黑番喇，呢排拍戏晒，有化妆化晒块面。（同张相一样白？）差唔多啦！”问Chilam可会想晒黑？他说：“我都钟意黑，试过晒灯，但出咗好多雀斑，搞到块面一点点咁。”古仔闻言笑说：“系咪老人斑呀？”问8月27日迎接47岁的Chilam会如何庆祝，他透露人在香港，或会包场睇戏庆祝，问古仔可送礼物给23年老友？他说：“送包场畀佢啦！”问到票房好会如何庆祝？Chilam说：“依家要睇全球票房，若果有三数亿，我就裸晒灯！”古仔则说：“咁我著衫晒灯啦！”
欢迎分享至朋友圈
?转载授权微信：lama129
? 商务QQ：1900556960
香港娱乐八卦
尽在
HKChannel
