岑杏贤点赞黄心颖马国明分手诅咒郭富城一岁囡囡晒琴技
背后女人
背后女人
杨千嬅
00:00/04:20
今日快报
陈山聪计划明年同女友结婚
艺人陈山聪出席香港钟表展活动，他表示刚完成手上的剧集，现在休息中，可出出活动揾钱，他说：“希望可以休息一个月，如果时间许可，都想同女友去个旅行，去啲阳光海滩慨地方。”有指他与女友将于明年结婚，山聪直认有此计划，他说：“都有谂过 。（求婚未？）未，唔使，佢知，我哋唔会大搞，又唔会摆酒，只系谂住影吓相，同屋企人食吓饭，但我自己都追求完美，所以Settle Down啲工作先。（下年年中或年底？）时间未定。”
结婚7周年！陆永点解畀老婆用背脊得住？
艺人陆永同太太Reina一向非常恩爱，平时都经常出双入对，不过呢日嚟到二人结婚7周年慨纪念日，陆永一早准备咗一大扎红玫瑰打算凼老婆，点知Reina竟然宁愿瞓觉都唔理老公，唔通佢哋闹咗交？其实系因为Reina全日冇停过！
身为好老公慨陆永当然冇怪佢，仲喺社交网写上爱的宣言多谢老婆：“今朝一早佢车个女返学，跟住接放学，再车第二个女返学，再接放学，再车返屋企煮晚饭畀佢哋食……我收工返嚟，佢已经攰到瞓死咗了，辛苦你了。结婚七周年快乐，我爱你。”
哗！Sweet到呢…Reina今朝瞓醒起身后都觉得好冧，佢晒相兼留言：“陪我一齐早起凑女，陪我一齐食早餐，陪我hea住打机等女放学，就算冇花我都觉得好浪漫…#所有时候精力已畀两个女耗尽 #庆唔庆祝已经唔重要 #瞓饱紧要 #七周（周）年快乐 #904＠6wing_fama”
郭富城一岁囡囡晒琴技 方媛赞认真！
天王郭富城（城城）与太太方媛去年喺半年内完成结婚同生B两件人生大事，极速为屋企喜添一名小公主Chantelle。时间过得好快，Chantelle转眼间已经一岁大喇！今朝，方媛就喺社交网晒出囡囡弹玩具琴慨片，仲留言：“
片中囡囡剪咗一头短发，低着头好专心咁弹咗几下琴，个样认真得嚟又好可爱！唔少网民都赞佢叻猪，仲有人建议话要学弹老窦首名曲《狂野之城》。另外，亦有眼利慨网友发现Chantelle身后有部蓝色慨林宝坚尼玩具车，仲话估唔到爱车如命慨城城，就连买玩具车都要拣自己心头好呀！
黄心颖被咒同马国明分手 岑杏贤竟然赞好！
落选港姐工藤佑采被指黑面hea跳引来负评，师姐黄心颖指佢态度差，但就引来工藤佑采喺网上“爆seed”开火反击，掀起骂战！
点知“一波未平一波又起”，日前黄心颖喺社交网上载咗一张日落靓相，其中一位网民就喺下方留言：“祝福你同马国明分手，祝福”其后更有网民留意到港姐岑杏贤都有赞好呢则留言，即引起大批网民讨论！虽然事后岑杏贤对该留言慨赞好已被删走，但早就畀其中一位以工藤佑采照片做头像慨用户截图，并转发兼留言：“‘祝福你同马国明分手’留言，岑杏贤Jennifer都按LIKE，好嘢，证明TVB同事都想你地散，你不信可以睇吓，个留言已经有一百多个人赞，你形象插水啦。”
岑杏贤接受访问时表示：“我真系错手唔小心揿咗一啲唔知咩慨Post，好在有个网民同我讲呢件事，我即刻打畀心颖同佢讲唔好意思，好在本身同佢都好熟，佢都冇误会呢件事。自己事后Unlike番呢个comment。”
欢迎分享至朋友圈
香港娱乐八卦
尽在HKChannel
30万图书5折封顶
