趁《延禧攻略》热 TVB女艺人变虾璎珞教你做妃嫔
发布时间：2026-02-22
爽报 YesDaily.COM
212
内地宫廷剧《延禧攻略》虽然在内地已经播出大结局，但依然深受观众欢迎，制造咗唔少铁粉！
唔少内地影相Apps都推出延禧filter畀用家玩，一尝做妃嫔慨滋味。而向来擅长扮演的艺人杨诗敏（虾头），趁住呢个“延禧”热潮教大家化个清朝妆容，唔单止大胆素颜示人，仲将堂眉涂白变“冇眉娘”，唔系个个女人都够胆咁做?！
片中虾头自称做“虾璎珞”，用纸板印咗个玉桂狗发型套喺头上，造型搞笑！仲特意配搭咗蓝色色调慨服装同耳环，可见佢为今次拍摄几咁用心。
虾头话呢个妆重点位置系堂眉同嘴唇，为咗强调眉慨粗幼度，佢特意用遮瑕膏遮咗两条眉。变咗“冇眉娘”慨佢，自己都忍唔住爆笑！
之后佢再重新画上幼眉，同埋韩国最兴慨咬唇妆。完成整个妆容后，虾头仲好认真咁讲咗句台词：“我‘虾璎珞’天生脾气唔好，唔好惹，边个再喺度咦咦哦哦，我就一定有法子对付佢。”
唔少网民话每次见到虾头咁认真去搞笑，都忍唔住举白旗投降！
个发型真系一绝！
画番条幼眉即刻好好多。
之后化埋咬唇妆。
CxxI xxk：虾头真的是一个有实力的演员！
东X。XX。：虾头真系犀利。万能演员。美貌与智慧并重。
Axxxl xxxng：虾头素颜似少女...后生好多！
Apxxx xg：个头点整？我又想整个
