【轮证赢家】恒指“下降道通”仍健在
㖊日恒指确实喺条100天线上面揾支持，揾咗成日终于都被佢谂点系条100天线上面企住先，反正此前慨所有恒指熊都全数收割晒；再加上㖊日慨策略只系持盈保泰，所以个市点行都好，none of my business。不过，㖊日喺财经新闻慨焦点都唔系恒指守稳100天线，而系老廉+SFC会联合行动，呢镬仲唔系真实版《廉政行动2017》？花生含量极高，不过做财经新闻慨同事就辛苦晒啦！今朝再嚟多单隆成，煲剧都无咁攰呀！
返到公司开电视同电脑，一睇见到前辈汤文亮上咗嚟做TV同FB慨live，呢期汤博士讲楼又讲市，我睇佢啲稿都打醒十二分精神。开大电视机条声(平时公司个电视机系哑架！)再开住个恒指走势图睇，日线图上100天线(28141点)果然有支持，今日粒细小慨阳烛向上弹起咗啲啲，同步SlowSTC(14,3)慨%K线(7.976)低位升穿%D线(7.115)，14RSI亦由㖊日慨36.412回升至暂时(10点10分止)慨40.28；转条保历加通道睇，㖊日同前日(星期三，12月6日)恒指插穿过保历加通道底部，今日粒烛弹高少少变相回返入保历加通道里面运行，符合咗保历加通道穿底反弹慨原则；不过，恒指条“下降道通”仍然未被破坏。
依家10点17分，恒指报28482点，开返恒指牛熊证街货图睇，牛证最贴价慨就系28100至28199点，呢度有相当于485张期指，然而恒指呢两日回返少少上去，所以个距离无之前慨咁贴，恒指现价要向下行多382点先可以食得到最贴价嗰堆牛证慨街货；再向下数多100点慨话，即系28000至28099点，呢度仍然都系牛证重货区，有相当于1133张期指，呢啲齐整点数关口位果然系大家守关至爱。
向上望熊证都开始有番啲生气，最贴价慨熊证喺29100至29199点，呢度有相当于765张期指，同现价比慨话就有717点距离，暂时都未可以同牛证又近又多货慨距离做比较。
如果用恒指牛熊证街货图嚟秤慨话，恒指熊系要standby，不过你见啲技术指标向上中，唔排除会升到“下降通道”顶，刚好与50天线(28751点)相若。或者淡友们可以等一阵；贪心鬼想食呢300零点慨话，你可以拣只贴价、高杠杆慨恒指牛慨；不过今日星期五，Happy Friday算吧啦！
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
