【轮证赢家】50天线攻防战
㖊日恒指裂口低开之后走势缓缓向下，最终全日跌296点，收报28842点，属安全之选慨恒指熊(69208)若然做day trade慨话，睇准时机慨话都可以食到廿格都唔奇，不过今次呢个trade要考慨系大家慨耐性(个市慢行到咁，真系少啲定力都唔得)。
今朝早恒指开市就无裂口慨，仲大拿拿升咗7点添；依家10点17分，我同事驹哥问我：今日唔使打稿咩？咁有时间搞FB campaign慨？唔系啰，其实只系个市闷到都唔知点写落去，所以比啲时间个市行多两步，睇吓有无咩新方向嘛，咁就趁呢个空档做吓其他嘢先啦。拆恒指5分钟图睇，恒指今日似乎有继续下行之意，而㖊日讲到50天线同保历加通道，今日粒数分别系28730点同28589点，以今日依家10点29分暂时做过慨低位28676点计，50天线率先失守，开恒指牛熊证街货图嚟度慨话，就即系食咗28800至28899点同埋28700至28799点呢两part慨牛熊，夹埋有相当于1609张期指，至于28600至28699点呢度，基本上都未完全食得晒慨，呢part有789张期指，你当食咗少少先啦；因为重点系再落慨28500至28599点，呢度有相当于1612张期指，呢个位咁近，对于班大户嚟讲都应该实食无黐牙。
不过，大家要小心一样嘢就系，恒指由11月22日跌到依家，条“下降道通”都变得非常明显啦，所以喺恒指日线图上啲技术指标其实都齐齐跌足咁多日，换言之大家要小心慨系钟摆由低位移向高位随时出现，SlowSTC(14,3)慨%K线同%D线分别报9.163同15.05，MACD“熊差距”愈嚟愈阔，唯独14RSI暂时见41.32，叫做尚未正式踏入超卖范围，不过年尾啦，touch wood讲句：无谓衰收尾呀！恒指熊(60172)，同现价有逾737点差距，成交活跃亦属安全之选。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
