【轮证赢家】继续挥军南下
㖊晚收工坐地铁返屋企，收到一位轮商朋友慨电话，闲谈几句，佢问我呢期操作如何，我话：总算过得去啦；不负所托，呢期所推慨熊证都揾到餐晏仔食，㖊日只恒指熊(68609)建议恒指5分钟图上见超买就落场，拆返开个恒指5分钟图睇，其实由朝早10点到11点40分都，SlowSTC(14,3)都出现超买；Miss咗都唔紧要，因为喺下昼2点55分左右，你有第二次慨机会：SlowSTC(14,3)出现第二次超买。
㖊日恒指低开之后，就单靠只企鹅腾讯(00700)拗腰反弹，拗到倒升嗰下都真系有啲吓亲，不过唔紧要，事关尾市升幅收窄咗好多，再加上今朝早再嚟多个裂口下跌，即使未到原定慨目标：50天线或保历加通道底，贯彻唔贪心慨旨宗下，(68609)收割无难度；好友果然系“背水一战”！
依家10点25分，从恒指5分钟图所见，今朝个支大阴烛出现至今走势都系横行；返番去日线图睇，虽则50天线(28709点)同埋保历加通道底(28648点)都仲健在，不过开埋恒指牛熊证街货图睇完之后又系另一回事啦。
依家11点4分，系比平时晏咗慨，无计啦，公司有啲嘢赶慨话始终都系要做咗先得慨，恒指现报28988点，最低暂时做过28898点，呢个位嚟讲慨话，其实刚好踩咗入牛证最贴价个范围慨边皮28800至28899点，呢度有相当于628张期指；再落多100点慨话，即系28700至28799点，呢度有相当于1312张期指，如果大市行得到落去食呢个位慨期指的话，就即系话比你知你条50天线即将失守。
继续向下数牛证，第三贴价慨牛证就系28600至28499点，呢度有相当于919张指，又如何大市行到嚟呢度慨话，又即系话你知个市连条保历加通道底都穿埋……
“如果真系连保历加通道底都穿埋慨话，咁大市就会反弹架嘛，因为大市系唔会长时间都处于保历加通道外围嘛！”你咁谂系啱慨，不过留意返喺第四个牛熊证贴价区，即系28500至28599点呢度，有相当于1541张期指，by the way，若然大市一直向下走慨话，咁保历加道通慨走势同趋势都会向下，如是者保历加通道底就会比依家有一个更低慨点数，到时你话恒指粒烛会唔会跌穿一个比依家更低位慨保历加通道底？恒指熊(69208)，收回价29687点，同现价有逾600点差距，属安全之选，所以杠杆约36倍，将就下啦，贪心鬼。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
