【轮证赢家】假如Bitcoin出轮证
今朝迟咗少少返公司，原因只系去咗新开慨茶档买杯姜茶暖吓身，谁不知呢杯姜茶令我错过咗最精彩慨一刻；恒指由升过百点变跌过百点，之后再用咗不多于3分钟慨时间，将跌幅缩返上十零点，晨早流流咁chok法，连战友Jack都话：“快到咁...点跟啊大佬...”。
㖊日咪拣咗只恒指熊(68484)打算再博埋个市落到29000点慨，依家10点5分，恒指最低做过29028点，而(68484)最高曾经做过0.104，依家报0.086，叫做升5格，个市喺我用打开杯姜茶茶盖慨时间拗腰倒升25点，报29202点，miss咗0.104唔紧要，唔好连个嗰5格都蚀埋；最主要个问题系个市拗腰慨同时，分钟图见啲技术指标因为呢下蜈蚣弹，由严重超卖变上返去中轴水平，换言之个市绝有可能唔止升呢25点咁简单，见好即收系我哋慨宗旨嘛。
其实今朝最令人哗哗声慨，都系只企鹅腾讯(00700)。话说我买完杯姜茶行紧返公司时，战友Jack whatsapp我讲㖊申大台财经台系咁讲只企鹅，那时9点47分啦(whatsapp有record架嘛)，我心谂：出口术出到咁？今日唔做“慌失失企鹅”就怪；返到嚟公司电视都未开就收到个message话“腾讯曾跌至387元以下，逾30只牛证被收回”，出完个push再睇图，腾讯最低做过386.4元，㖊日就399喺度护驾，今日退多步喺390筑第二度墙，好明显大家都趁低吸纳；当然今日小妹都有唔少朋友问我：腾讯穿400买得未？认真，390元呢啲齐口位有支持系无可厚非慨，不过你睇腾讯日线图，依家粒烛好明显就低于20天线(401.17元)，再数落去慨话就到50天线(369.93元)，呢个位又刚好同保历加通道底部(368.89元)差不多，估计呢度慨支持力度可能比390元更强。
其实今年升得最劲慨都唔系腾讯，而系Bitcoin，点解Bitcoin有ETF但就无轮证慨？到底有无人谂过帮Bitcoin出轮证呢？试谂吓，Bitcoin本身只underlying都升到咁啦，咁有杠杆轮证会升到点？或者背后有好多原因唔系我呢个层次慨人所了解同明白啦，还是其实已经有只系我井底之蛙？…今日星期五，放走咗只熊证又未见有其他机会可以赚多杯姜茶饮吓，你就由得我发吓白日梦啦。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
