【轮证赢家】10天线的边缘
㖊日见恒指势色唔多对路，于是拣定只恒指熊(61485)出嚟，一如以往方法见分钟图超买就入熊证啦，谁知等咗一个朝头早都唔见有靓位出现，唯有对住个芒深呼吸，然后再同自已讲：冷静啲，财不入急门慨。或者身在唔知边度慨马化腾听到，为咗安慰我呢个弱小慨心灵，就叫佢旗下企只肥企鹅腾讯(00700)发力推高个市，如是者分钟图咪可以由超卖变超买，咁(61485)就有靓位落场啦。恒指由下半场1点15分开始就反方向呈上，直至收市嗰一刻，恒指只系跌6点咁大把，分钟图见㖊日个V弹真系V到好似copybook咁工整；而恒指4分钟图上，SlowSTC(14,3)由3点开始keep住超买至收市，呢段时间(61485)咩位入都啦。
至今朝早坐紧地铁做完个U盘时，恒指裂口升106点，报29786点，只(61485)咪大镬？定啲嚟，之前都有讲过若然朝早个市系裂口高开慨话，到踏正9点半之后，个市最多向上冲多几步之后就会回，原因系一下子慨抽升会令到分钟图上慨技术指标同步加速上扬，未几就会没顶，按钟摆原理技术指标没顶后就会下行，换言之点数亦会随之而下跌，呢个时候啲熊证就会肥番少少，到时(睇市况啦)会系一个逃脱机会，还是大市用尽最后一口气之后无力向下冲，就再判断啦。
今日嚟讲，依家10点6分，恒指最高暂时见过29831点之后就掉头向下，今朝个上升裂口就补完之余，最低做过29575点，刚好被条300分钟线(3 x 100线，29575点)顶住；不过返番去日线图睇慨话，呢个低位就穿过条10天线(29854点)，10天线虽然系一条短期指标，但如果今日稍后时间恒指大部分时间都处于呢条10天线之下就要多加留意啦。
依家10点11分，恒指做紧29583点，跌97点；开恒指牛熊证街货图，牛熊比例仍然系牛多过熊，仲要系啲贴价牛众得比较多街货。依家最贴价慨牛证系29300至29399点，有相当于105张期指，呢part街货系全新慨，相信系啲新轮街货嚟慨，之后嗰三个100点范围，即29200至29299点、29100至29199点同埋29000至29099点，呢度分别有1881、2364同2250张期指，total有6495张(记得㖊日计都系得5000零张)，要食到呢堆重货慨话，大市向下行583点就可以。
至于上方慨熊证就无乜街货系度，可能大家都系拿住只熊证做即日鲜唔过夜，所以录唔到街货啦，讲紧最重慨街货系30200至30299点，呢度有981张期指；而最贴价慨系29700至29799点，呢度得48张期指。若然用返向下打牛证慨点数，改为向上攻慨话，即29583+583=30166点，即系踩入咗30100至30199点呢度，沿途夹埋得391张期指…算吧啦，六师弟。
进取慨可吼恒指熊(63705)，收回价29950点，同现价得300零点差距，约67倍杠杆系不适合孕妇同心脏病患者架；稳健型慨可拣恒指熊(69278)，收回价30200点，同现价有约600点距离，约40倍杠杆不过不失；懒鬼慨就继续持有(61485)，因为你㖊日买咗，揾够慨今日只系揾个出口比(61485)就可以，做少一半嘢呀。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
