【轮证赢家】终于可以休息一下
㖊日朝早见恒指打横行到以为收咗市，于是就趁呢啲无咩好写慨空档嚟讲埋二八定律个下半part长尾理论，用腾讯(00700)同平保(02318)比喻头部(二八定律)，而港交所(00388)、友邦(01299)、工行(01398)同建行(00939)比喻为尾部(长尾理论)，虽则两套理论系经济学上无一个明确慨definition，但翻查资料，几可肯定慨系二八定律比尾长理论准确性高；再加上㖊日恒指牛熊证街货图中见到大市向上行仍然可以近距离食到一定数量慨期指，推断条尾巴应该有能力将恒指推向上。
㖊日恒指尾市跌幅扩大，一度跌逾400点，今朝早似有跌定慨迹象，友邦、工行同建行仍保持升势，如果㖊日回调系一个入恒指牛慨靓位的话，咁今日可能就系你收割恒指牛慨时机；“咁大堆头一齐升都只系维持到一两日咁少咋？”长尾嘛，80%慨货赚埋余下个20%利润嘛(认真，套用于零售层面慨长尾理论，被近十年慨网上销售概念打破咗个框框，真系有兴趣慨话，可以上网search吓，甚至去书局打书钉都仲得)。
开恒指牛熊证街货图睇，依家10点26分，恒指现报29752点，升45点。最贴价慨系30200至30299点，有相当于784张期指，由于㖊日恒指跌幅大，所以现价要向上行500几点先可以食得到呢part街货。至于下行慨话，最贴价慨就系29100至29199点，呢度有相当于1538张期指，量就真系够多啦，但认真用计数机计一计慨话，原来大市现价同呢个位相差600零点咋㖞。当大市又企喺呢啲中间位慨时候，即系可以唞唞慨时候，50/50落注同赌大小无分别，若然你㖊日入咗市有货揸手而系采短线策略的话，今日揾个靓位食餬，然后等收工好过；无货又点？由依家开始等收工啦！Happy Friday！
下周一(11月27日)有啲事要返一返学校，所以《轮证赢家》要暂停一期，下周二(28日)续，不便之处，敬请原谅(唔好怪我，要怪就怪我学校个副系主任啦)。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
