【轮证赢家】二八定律
㖊日就喺条国指上画咗条“下降轨”出嚟，见下方有条50天线顶一顶住，胆粗粗揾定只国指熊(61483)啦，估唔到喺下昼国指上跟去时，5分钟图见到STCSlow(14,3)出现超买，(61483)送落场。去到尾市STCSlow(14,3)慨超买变咗做超卖，贯彻短炒方针，(61483)做咗即日鲜。若然揸到今日慨话，依家10点8分国指今日升过百点都系随恒指而上，“下降轨”亦都被今日粒大阳烛升穿埋，而(61483)暂跌16格，5分钟图上见国指STCSlow(14,3)出现严重超买，似乎呢个时候唔系一个靓慨止蚀时间。
今朝公司都未返到，先后出咗两个push for腾讯(00700)；刚刚睇完一位专家朋友魏力鱼send过来慨一只供稿，佢提及到佢同佢一位战友用生果档嚟形容依家慨市况：一个生果档有10种生果卖，但最好卖的就只有当中一两种水果；就好似港股有二千几只股份，但成交最集中慨，就只得一只企鹅。我睇到呢度之后，除咗觉得呢个比喻实在太贴切，要喺呢度同大家分享之外，令我谂起一样嘢，叫做：二八定律(有人叫做80/20法则)。
呢样嘢系咩？最正统慨解说就系社会上20%的人手持80%的社会财富。不过，呢个定律衍生出多种唔同存在模式，例如在管理学上，一间企业通常有80%利润是来自20%的产品，最简单的可看看法牌名牌Louis Vuitton，历史悠久慨一个品牌多年来出过N条product line，但当你细心留意一下，你就可能发觉身边如果见到有人用呢个牌子慨包包的话，大多数会是最传统、最original慨款式：深啡色底色，浅啡色logo、有啲四角形/菱形/圆形慨类似四瓣花图案，整齐有序咁排出嚟，间中先会见到白色底彩色图案，或者有哈哈笑/樱花图案，如是者都唔难估喺呢个牌子里面，边一个款式是较受欢迎。这就是企业盈利上所谓慨“二八定律”。
其实就好似生果档同恒指现况一样：生果档有10种生果，最好卖的就只有苹果和橙；根据港交所(00388)数据，截至今年10月底止本港有2082间上市公司，不过呢期最常听慨系边几只股份？腾讯？平保(02318)？
当然，你可能会话：“咁其他嗰啲股份生性啲，咁多只夹埋都够cover腾讯同平保吧！”呢个意思就即系用余下80%慨货冀望赚得到20%，甚至更多的钱，叫长尾理论，真系想知慨话email话我知(有人想知慨话就明日写啦)。
姑勿论你应该下一只股份将会是下一轮二八定律中的20%之一，但依家(10点36分)就话你知，恒指暂时最高做过29568点，用恒指牛熊证街货嚟度慨话，29500至29599点嗰930张期指你可以当无咗一半；上多100点，即29600至29699点呢度有相当于739张期指；再上多100点，即29700至29799点呢度有相当于1130张期指，只系需要多约250点就可以食到有约2000张期指慨熊证，试问你还会是二八定律还是三七定律吗？
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
