【轮证赢家】个势咁好就梗系顺住去啦！
新一年新开始，小珊妹在此祝各位《轮证赢家》慨读者今年买乜赢乜！上年失意慨唔紧要，今年反败为胜；而至若然上年赢得盘满砵满呢，今年就更系再接再厉啦！
2017年后最后一个交易日，睇住报价机见到恒指饮恨嗰三点先上到30000点；不过今早恒指开个红盘，无他慨，旦凡啲喜庆日子如元日新年、农历新年呢啲日子，市场似乎惯性开个红盘攞个意头，依家9点57分，恒指最高做过30321点，升穿埋去年高位30199点；现报30317点，不过形势上就出现咗个“V”型反弹，现水平又刚好踩返上条颈线，日线图上慨SlowSTC(14,3)就更系出现严重超买啦，而14RSI见69，盖上年临尾嗰几日恒指系咁向上冲，啲技术指标就当然同步上扬啦；依家10点4分，被我舅父Eric问多两问关于派特别息啲嘢，镜头一转恒指又再做多次今日高位，暂见30355点。
恒指见30000点楼上就当然高兴啦，但如果想今日舐吓开红盘慨升势就要等一等啦，事关拆开恒指5分钟图见到依家10点7分慨时候，恒指所有技术指标都顶住个顶，今朝裂口开出嚟之后上行，依家形态上就似造个“圆顶”出嚟，依家10点10分，恒指SlowSTC(14,3)慨%K线同%D线分别做紧96.77同96.52，而14RSI做紧79.3，恒指升咗成400几点就更系无可能呢个时候泼冷水，不过都唔系吼呢啲位嚟一齐同个市追升慨。再加上用恒指暂时最高点10点10分度到慨30381点计)，配上恒指牛熊证街货图，即大市今朝食到30000至30999点开始，连食四个100点范围，上到30300至30399点(嗰18点就豪埋比佢啦)，total食咗2520张期指，个势咁好就梗系顺住去啦，恒指牛(64787)，收回价29378点，再近慨牛证都有远慨一日，同再锋利慨刀都有生锈慨一日一样，个市一下子弹咗上去，约33倍杠杆，玩住先啦！
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
