【轮证赢家】国指熊试50天线
上个星期五(11月17日)个市喺朝早裂口高开之后就打横行，只系叫做临尾收市前再跌多一下，做咗个全日低位29158点出嚟，收市轻轻屈返上去，惜全日波幅仅183点，唉，索性同班同学倾吓今年同其中一个同学高明点庆祝生日(其实最后都喺个球场、佢间小食亭前面开张台打边炉)。
今日恒指开市报29227点，拆开恒指5分钟图就见到开市首5分钟，恒指最高冲过上29299点，之后就“倒转锤头”mode收咗档，依家9点57分，恒指报29172点，跌26点，目前计都系升转跌慨格局。
返去睇日线图，恒指同条10天线(29068点)真系好鬼近，呢个时候电视机只系loop住高鑫零售(06806)被阿里巴巴收购，同埋腾讯见409元创新高；不过那边厢战友Jack就whatsapp我“大陆跌到傻”，如是者开个新browser睇A股，开到啲有A股睇慨网站之后但又走咗click返条恒指出嚟，唉，未瞓醒都真系未适宜返工；A股load到啦，见到跌三十零点，reply战友Jack：“唔系呀！”；“但系你睇吓张日线图...”，哗，我先见到原来我睇紧慨系1分钟图，转返日线图之后就见到A股今日有个下跌裂口；都系嗰句：未瞓醒真系唔好返工。
手痕开个国指日线图睇，哼，原来国指比恒指真系样衰得多，可能被A股影响，今日阴烛疑似“倒转锤头”；依家10点25分，国指做紧11528点，跌80点，最低做过11506点。跌唔紧要，10天(11607点)同20天线(11572点)都穿过嗰吓先麻烦。依家10点28分，国指做紧11513点，似乎20天线对佢嚟讲已经意义不大，“不如望吓牛熊证街货图先啦”睇唔系唔可以，但虽知道国指慨牛熊证分布同恒指唔同，恒指牛熊证数量五五波，但国指同个股轮证一样，都系牛/Call多过熊/Put(甚至有啲个股轮证得牛/Call无熊/Put)，变相嚟讲参考价值就无恒指慨咁大，不过都仍然可以用技术分析去量度走势慨。
国指日线图依家明显筑咗条“下降轨”出嚟，国指熊(61483)，收回价11950点，高过上个星期一(13日)高位11817点，希望下方50天线(11391点)会成为国指慨短暂支持啦。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
