【轮证赢家】继续追恒指牛
㖊日恒指果真愈升愈有，最后用全日高位做收市嗰口价，升咗成500几就嚟600点，本来系谂住等恒指5分钟图见超卖时就将只恒指牛(64787)推落场，但第一次5分钟图慨SlowSTC(14,3)回落到48至55呢个水平(约朝早11点10分)之后弹返起；第二次又系SlowSTC(14,3)，喺11点55分时见回落到55至60相对低位(讲几几乎全日见“9”字头)，下半场一开又弹返上去，都feel到个势有几强。如是者系下昼2点25分到，5分钟图上慨SlowSTC(14,3)再次下行至约34至42呢个水平，此前两次SlowSTC(14,3)由严重超买回落到中轴水平之后再弹，见到“3”字头都真系无办法唔跟入，同一时间恒指做紧约30445点。顺势而行就系咁，见恒指个势劲想跟，但就怕一入自己做咗“地狱黑仔王”摸顶，但到最后，恒指全日收30515点，可惜在于(64787)由1下昼2点25分慨0.103升到最后都只系0.105，呢两格分分钟连手续费都唔够比，然后唯有揸住呢两格嚟过夜。
一觉瞓醒又开市，恒指再升过，见到30600点以上，(64787)开市头5分钟最高见过0.120，用返㖊日0.103入市价计慨话，都叫做有17格食。
依家10点23分，恒指再进一步升至30700点以上，开恒指牛熊证街货图嚟睇慨话，即系最贴价嗰两堆熊证30500至30599点同埋30600至30699点全军覆没，呢度夹埋有926张期指；7分钟之后恒指虽然有所回落，但如果按恒指牛熊证街货图慨数嚟计慨话，其实每上行多100点，都总有几百张熊证街货比个市食。至于下方牛证最近都讲紧系29300至29399点，同现价都唔使用计数机计啦。
恒指牛(64963)，收回价29450点，唔系我想拣到咁远架，系依家最贴价嗰只牛证讲紧同现价有约1111点差距咋!
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
