【轮证赢家】炒股唔炒市
㖊日只雷蛇(01337)成为咗公司一时佳话，事关designer同事Ken爆咗被我知，我哋其中一个developer同事Cyrus喺$5买咗一手雷蛇，初初以为佢系IPO落选者，问过先知唔系，佢系IPO都抽中咗一手，可能系啲developer向来都对于科技嘢情有独钟，再加上年轻慨佢几乎日日lunch返嚟都见佢拎住部电话打紧机，所以$5都要走嚟高追挂(BTW，我喺某讨论区见到有巴打写话$5.2入咗10万股，唔知真定假)。不过呢位小朋友都知道咩叫做势色不对慨，佢喺5蚊入咗一手雷蛇之后，率先系$4.9放走，然后我今朝见到佢时，佢再同我讲㖊日放走晒所有“蛇”。第二手佢几钱放无讲底，就当用住㖊日条蛇慨收市价$4.58帮佢计计数，平均买入价系(3.88+5)/2=4.44，平均卖出价系(4.9+4.58)/2=4.74，如是者两手就等于4.74x2000-4.44x2000，即系净袋六旧，不过呢度佢前后要比三次手续费：$5买一手、$4.9放一手、收市前放一手。假设每次交易费$50计，扣埋得返$450，都够同女朋友食餐好慨(如果佢女朋友唔系要求极高慨话)。
Well，呢个故事无寓言的，只系纯粹分享，你可以话唔理解佢点解要咁做，你亦都可能会明白佢呢个trading mode，市场就系咁先至“多元化”。
又睇返呢个咁“多元化”慨市场，恒指今朝开市报29272点，升90点；开咗市10分钟都无就弹咗上暂时(依家10点11分)高位29320点，㖊日只恒指牛(68744)采取短线策略慨话，如果day trade就一系㖊日朝早11点35分或下昼2点10分，趁5分钟图见SlowSTC(14,3)超卖入市，跟手尾市收工；如果行“今日买，明早放”慨话，咁就好明显今朝早开市无耐就走人啦。若然依家仲揸住只(68744)慨话，以暂时输紧一格计，相信都仲可以捱多一阵。
开埋恒指牛熊证街货图睇，依家10点21分，恒指做紧29216点，升34点，最高暂时做过29320点，用呢啲数套落去恒指牛熊证街货图上，就知29200至29299点嗰34张期指已经被灭门，而29300至29399点呢啲仍然系熊证重货区，有相当于1234张期指，不过当中都有部分已经瓜柴，就算依家个市有所回落，但下方最贴价慨牛证系28600至28699点，呢度有283张期指，货量偏少都算，但同现价个距离相差慨616点呢。依家10点26分，恒指由升转跌，报29172点，跌9点，即使倒跌，但so far同牛证都仲有一段好明显慨距离，如果从5分钟图所见，SlowSTC(14,3)已经出现严重超卖，day trade嚟讲呢个位入只贴价牛真系perfect；但从日线图嚟讲呢，MACD虽然仲见“双牛”，但差距收窄；SlowSTC(14,3)已经严重超买咗好耐啦，至于14RSI见65，严格嚟讲仲未踏入去超买范围，再者保历加通道口keep住拓阔，摆到明比位恒指去行，令到恒指依家粒烛由原本升穿晒保历加通道顶，都变返处于保历加通道顶里面。
日线图计恒指似乎尚未有一个比较明显慨方向，建议仍然短线操作，甚至从个股入手，暂时唔好理个市住先。
不过有一样理一定要理，就系今日是我阿姨生日，佢同我老爸同年，又即系提提我，下个月25日就系老爸生日了。玉兰阿姨，生日快乐！
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
