【轮证赢家】超买中但仲有得再上？
㖊日恒指朝早10点零钟补完开市个上升裂口之后就嚟料，一路系咁升到下昼2点，高见30796点先至收手；讲真，就算拆开恒指5分钟图去睇，㖊日恒指升嗰段时间根本就揾唔到个靓位入市，事关2点恒指抢到高位30796点后出现少少慨回落，跟住就喺30730至30750点窄幅横行至收工为止。
今朝早坐地铁返工全程带住个口罩，无计，公司实在太多同事病，连我都被击倒了；几乎被个口罩焗死之前收到个message：“恒指高开157点报30893点，再升至逾十年新高”个人又突然之间醒一醒，再加埋战友Jack嗰句：“31000点慨熊证唔知过埋今日仲可唔可以生存到呢？”行快两步返公司，依家10点7分，开恒指街货图睇，用依家暂时恒指做过慨30911点计算，即系话30800至30899点嗰451张期指已经全数死亡，变相依家最贴价慨熊证就系30900至30999点，呢度唔多货，得383张期指，不过数到战友Jack提到慨31000至31099点，呢度有相当于1062张期指，呢个位同现价30759点(10点9分mark底计)有340点距离，唔系话好近慨，但点都同最贴价慨牛证29500至29599点近得多先啦。
㖊日咪数过其实依家恒指日线同周线图都反映咗大市系超买慨，之但系如果用恒指牛熊证街货图嚟计数时，恒指其实系仲有诱因去向上再行食熊证重货区慨，就系似上文数出证恒熊证慨街货系几咁吸引；不过话分两头，今日恒指一开市再创十年新高，但依家(10点15分)就连今朝个上升裂口都补埋，恒指更由升转跌，换条保历加通道出嚟睇，就更加见到恒指连续四日穿保历加通道；若然从技术分析层面去睇慨话，根本就是超买摆向超卖的钟摆响起，变相呢啲情况就系“超买中但仲有得再上”，小妹印中很肯定唔是第一次发生，而且往往呢啲睇上去系模棱两可慨表证时，倾向慨系选择系一动不如一静，始终《轮证赢家》慨宗旨就系安全地刀仔锯大树，事关唔系个个都能够坐定定对住个市，从中赚个下午茶。
策略上，承如㖊日所讲 ，稳健派呢啲时候做住塘边鹤先；进取型就短线、有得食就食慨策略，仍然可以5分钟恒指图的超买/超卖作为买入/卖出位。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
