【轮证赢家】恒指Call速战速决
㖊日文章一出，来自四方八面慨好友都Whatsapp我：“做咩咁保守呀？”“睇得咁淡慨？依家应该未出事架㖞。”“嚟紧都仲有啲大只、焦点IPO撑住个市，无事慨”“都未见禾雀乱飞，飞嗰时先缩啦”坦白讲，恒指都真系年头升到年尾，上到呢啲位都仲未见到一个比较深度少少慨调整，确系有啲畏高，所以先至会话比一日时间去观察个市，睇吓系咪有啲似会下行慨迹象。今朝喺屋企饮住杯咖啡时见到右下角报咗日经跌逾200点，而刚好女主播又报紧㖊晚美股表现，都系见红慨，心谂：唔通个所谓深度少少慨调整会系今日出现？
喺地铁返工车程继续打新download落嚟慨game，去到9点27分先舍得quit game开个财经app睇市，开市报29136点，跌76点，都唔系话一个好大型慨裂口。去到9点45分，刚好返到埋位开电视，见到恒指由跌转升；搞完一轮公司嘢之后，依家10点35分，恒指个势又下行中，拆返开恒指5分钟图睇，原来我睇到电视嗰一下，恒好就已经补完今朝个“迷你裂口”，暂时最高见过29154点，倒升18点，依家就回返落去29097点，跌39点。呢个波幅如果维持一整天慨话，都真系劝你熄机悭电。
就用上面mark低慨29097点嚟计数。经过一轮慨升势，市场上多咗好多贴价牛证，变相依家最贴价慨牛证街货系28500至28599点，呢度有1443张期指，重过前重货区28000至28099点(依家有1439张期指，惟相信呢批牛证系几日前，甚至系上星期前买落，依家变咗肥牛，估计主人应该都系博个市继续上，令肥牛更加肥；亦可能有部分主人会宰割只肥牛之后，换马至贴价慨牛证再储肥过)，不过要个市落到最贴价慨牛证都有成597点距离，确实有点远。
至于上方熊证，最贴价慨系29200至29299点有相当于820张期指，同现价比差202点；比多100点慨话就可以食得到29300至29399点慨重货区，有相当于1366张期指，两个范围加埋total有2186张期指。
咁样计，再加埋依家10点44分见到恒指又再发力咁款，嗰个“深度少少慨调整”应该都未够钟出现慨；不过仍然建议尽量做day trade或者“今日买、明早走”慨策略。恒指牛(68069)，收回价28500点，同现价有逾600点距离，约44倍杠杆适合短trade；恒指Call(15541)，行使价30000点，约14倍杠杆加成交活跃，都系短线首选。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
