【轮证赢家】恒指上定落?
㖊日朝早见到只腾讯(00700)跌紧，仲谂住睇吓系咪入货好时机之际，呢头按个“send”交稿，嗰头电视条横签就话腾讯升穿398元创新高，心谂：唔使咁快呀，不过全日收市计腾讯都系跌慨，仲呈“倒T”星咁慨款。而今日腾讯随大市齐升，若然今日余下落嚟慨时间，腾讯高位高唔过㖊日，而低位又唔知点解低过㖊日㖞，咁就大镬啦，变相呢三粒烛夹埋就充满咗“黄昏之星”慨味道，再配上技术分析慨超买状态，哗！有无见到远处理熊仔饿到双眼发青光呀？但系做人慨嘢就要冷静啲，事关阴阳烛慨嘢有时都不能尽信慨，想知点解？《钟摆战略赢港股》有讲。(哈哈哈！)
阅文热又好似冷却咗啦，Razer同易鑫又未上市，听日大只股业绩嚟讲就得只瑞声(02018)，睇佢日线图想生个“圆顶”咁款；无咩方向吓又开吓恒指牛熊证街货图睇，依家10点17分，恒指现价做紧29087点，升180点，最高暂时做过29120点，呢个位亦即系熊证最贴价29100至29199点呢个范围，而呢度有相当于724张期指，再上两个100点慨范围，即29200至29299点，同埋29300至29399点，分别有916同1106张期指，最多货就系呢三个位啦，同现价咁贴又咁多货，继续向上行又何乐而不为呢。
之不过咁，就当个市继续向上行，穿埋30000点好未，但真系唔会唞吓咩？不如大家睇吓小妹用咗几分钟抄出嚟慨数：(唔想睇数字就睇图，啡色框起慨就系下列堆日子，两条紫色线就一条代表ADX慨下行，另一条就代表恒指慨上行)
捉上星期二(10月31日)嚟计只系因为嗰日恒指处于保历加下降通道后至今再次回升，形成一条短短的“上升通道”，个市愈上，日线图DMI慨ADX数值就愈细，DMI慨ADX反映啲咩相信？睇开《轮证赢家》慨读者希望你记得系乜；若然唔记得或者你系新join慨兄弟姊妹的话，唔紧要，DMI慨ADX系反映个市升/跌慨力度有几强，市升但ADX跌即系代表升市力度开始减弱；而前日同㖊日(7日同8日)ADX数值不变但恒指就按日见回落。(见下表)
喺个市气氛咁好之下小妹都唔想吹淡风，但向来信数字多过信老爷慨我，见到咁慨情况又真系唔系几Call得落手；反过来说，咁系咪一个开Put慨时机呢？从上述数字睇又只系一个初步慨转势出现，不如就比一日时间，观察吓个市先再作决定啦。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
放大图片
