【轮证赢家】追阅文定捞腾讯？
今日全日慨焦点应该系阅文(00772)，无他慨，运气好(中签率7.7%)或有“吉士”(借孖展抽100手稳中一手)慨话，一开市先袋逾63%赚幅，买完个早餐返到公司你可能已经揾到半个月人工返嚟都未定；当然啦，今朝早亦有好多平日无见开无联络，有啲甚至几乎连个名都讲唔出慨“朋友”都出晒嚟，是但啦，人就系咁架啦。至于抽唔中或者无抽到慨朋友，见到阅文升到巴巴声，隔离左右唔识慨都高谈阔论阅文，返到公司有人话抽中，然后全村人叫佢请食饭嗰啲，心里面嗰粒葡萄有几酸系明白慨，不过㖊日只港交Call(16945)今日都可以帮补到吓你个心灵创伤呀。
又睇返个市，今日恒指先跌后升，依家(10点25分)再跌。无办法啦，阅文就等同你家中刚刚出生慨BB一样，成为咗全家人慨焦点，身为老大慨恒指，自自然然要让路，比啲父母(散户们)拥戴一下架啦，so far见“十字星”，但位置仍保于保历加上升通道，只系SlowSTC(14,3)超买情况愈来愈严重啫，无嘢慨，到14RSI都超买时先再度吓是否转势啦。依家10点30分，恒指只系跌15点，报28978点，都算大方架啦；反观腾讯(00700)今日曾跌逾2%，依家仲要高位大埋个肚(“身怀六甲”)SlowSTC(14,3)同14RSI都出现超买，位置嚟讲仲keep住系保历加出面，未返入屋，呢啲小器鬼等同个二家姐，系度呷三妹阅文慨醋啰，唔好忘记嚟紧话有合作慨四妹雷蛇(Razer)，同埋五妹易鑫(02858)准备出世；即使撇除呢啲咁“人性”慨嘢唔单，单睇技术走势都feel到腾讯又系够钟回一回啦。
记住，回唔等于大跌，可能系一个机会比你买正股再上车；亦可能系一个短炒先Put后Call慨时机，呢位二小姐㖊晚凌晨先推出个新射击游戏《光荣使命；使命行动》，下个星期三(11月14日)又第三季业绩㖞，话唔定佢张成绩表好靓，吸引返班父母慨目光呢。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
