【轮证赢家】牛熊证街货图见到31958点了
本来谂住临收市入只恒指牛(67236)，博今朝早开市会高开一下闪人。㖊日收市前一个钟到都开始望住个市有咩变化，结果最后都系见到同朝早个高位咁上下，于是就小注入只(67236)；今朝早喺地铁时见到开市微跌2点，开报31009点都仲不以为意，返到公司放低个袋开电视见到个市红多咗就有啲惊惊地，再开恒指5分钟图睇，见到恒指落到500分钟线(5 x 100线，9点55分报30938点)似乎有支持，虽则今朝开市个样不似㖊日预期，但抱住“开市跌会拖底技术指标至超卖，到时触底反弹再走Call/牛证，输都无咁入肉”慨心态，硬住头皮去等，最后见到恒指慢慢向上行，系10点10分至15分，返番去今朝开市时附近位置，过多5分钟见恒指上行慨走势未有异样，但同时见5分钟SlowSTC(14,3)出现超买，(67236)都系走为上着。
依家10点48分，恒指高位暂见31095点，同恒指历史高位31958点相差863点，讲真，863点对于要创历史新高嚟讲唔系话一个天方夜谭慨数字，但点都需要啲理由同勇气慨。
开恒指牛熊证街货图睇，坊间大部分恒指牛熊证街货图都系显示同现价有1000点差距慨牛熊证街货，换言之传说中慨31958点，即系踩住31900至31999点呢度已经系恒指牛熊证图上可以见到，暂时呢个位置就系同现价距离最远慨一层，对大好友嚟讲，太阳同海王星慨距离就连人类都可以探索得到，相比之下区区呢个10个100点慨距离又有咩难度。
啱呀，按依家10点52分恒指最高做过31105点嚟计，最贴价慨31000至31099点个116张期指好明显已经做咗早餐，亦即系话31100至31199点呢度成为最贴价慨街货，大市慨一小步，变成大好友慨一大步，如是者杀走一个熊证范围慨话，即表示同31958点慨距离又近咗啦。虽然呢度得393张期指，若然大市真系keep住“超买再超买”上行慨话，唔排除同一时间会有更多人(或者更多钱)入熊博大市已经到顶要下行(唔大跌都要回调啦)，如是者熊证货量可能变得愈来愈多；系一个“死都要破顶”慨气势前题之下，愈多熊证就愈刺激(或者比借口)个市向上，即使每日慨波幅唔多，但keep住系咁上慨话，嗰啲“连升1x日”已经变成一种催化剂啦。尝试用多次㖊日个策略，临收市捉只远价少少慨牛证，博第二日再“大市一少步”咁上行。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
