【轮证赢家】恒指下行未?
今朝车都未落就收到个message话东铁线全线暂停服务，我两位亲爱慨designer齐齐困兽斗，一个就落到车系咁拍片返嚟变身做记者咁款，同步地WhatsApp返嚟话无车出九龙(差啲想覆佢：其实如果有车出港岛就得架啦，我哋返湾仔架！哈哈！)；另一个就仲系架车里面未出到嚟，事关佢坐个架车未埋站就已经被暂停服务，阴功，焗死我哋个designer妹妹啦！
趁电视台未开始做live之前，望吓个报价机，见到恒指见红，而成版被我book mark咗慨股份都系红色，除咗只汇控(00005)、平保(02318)、中移(00941)同埋香港电讯(06823)，当中最标青慨就梗系只大象啦，依家10点19分，暂升2.1%；但再望望恒指个走势，今朝先开报31066点，微跌7点，到正式开市之后恒指就继续下行，拆开5分钟图睇，喺9点40分见到挫底至31005点就停，梗系啦，因为同步SlowSTC(14,3)都要见底回升嘛，其后回升至暂时高位31133点又开至软皮蛇，若然㖊日按策略系收市前入远恒指牛证慨话都唔驶灰心慨，距离收市仲有几个钟慨时间，不过就今日真系好揾个位走人。
点解咁讲？首先要多谢战友Jack，佢一句“开完会个市都系无郁既...”令我谂起一条好耐都无望过慨指数VHSI(讲真，成个恒指family咁多条指数，鬼得闲日日条条都望咩)，呢条VHSI近日keep住系一个低水平范围徘徊，呢个走势同恒指近期慨细波幅非常吻合；那边厢，VHSI都系一条线嚟架啫，都系睇技术分析同走势啫，由日线图上慨VHSI所见，SlowSTC(14,3)慨%K线同%D线分别做11.28同10.27，双双处于超卖水平，暗示路随时有反弹慨可能；开埋条保历加通道睇，其实由上年12月21日至今一直处于保历加下降通道，至最近见保历加通道口收窄，换言之再下跌慨空间有限。将两者加埋慨话，即系话VHSI见底回升慨可能性好高，即代表恒指或会即将出现一个波幅较慨走势。
波幅大对轮证有利慨，尤其是轮，靠引伸波幅嘛，之但系呢个大波幅会向上定向下？其实讲咗成个星期恒指日线图多个技术指标都出现超买/严重超买就估到之后钟摆摆向边啦，问题在于超买慨同时恒指牛熊证街货图上见到最贴价慨熊证讲紧相距100点都无，且系最重货慨一个范围。但今日所见，熊证最重货讲紧系第三贴价慨31400至31499点，呢度有1035张期指；而最贴价慨31200至31299点，就只有179张期指，即系话依家啲街货由初初慨近熊转成依家慨远熊，同时都反映到啲钱慨心态系由初初慨“升咁多仲唔跌？买贴啲杠杆高啲杀晒你班好友”到依家“大佬，连升12日啦，买你跌都买咗咁多人，退守咗咁多次，咪啦，一次过退后多几步啦，麻烦！”
再望真啲，恒指日线图上MACD，MACD(5,26)有向下跌穿EMA(9)之嫌，手执恒指牛摸着石头过海慨日子似乎要完结，恒指熊(67659)，收回价31700点，同现价有逾600点差距但有约36倍杠杆，安全又够爆炸力，小注试试水温为上。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
