【轮证赢家】恒指再次走近重货区
㖊日见住恒指倒跌，仲要跌得有60几70点咁，以为下半场会一如所料开始见调整出现，谁不知下昼恒指又慢慢屈上去，到最后13连升；今朝换完衫又准备出门口时，电视报㖊晚美股升200几点，恒指熊(67659)都心知不妙。直到今朝早开市恒指升177点，开市报31298点就知濑嘢，我仲同战友Jack WhatsApp话：“点数真系多咗(因为㖊日睇到VHSI跌到超卖水平)，但是上行呢！(又因为见恒指超买多时且㖊日见恒指牛熊证街货图由近熊变远熊)”。
依家10点10分，恒指报31287点，升166点，高位暂时做过31380点，以呢个点数套落去恒指牛熊证街货图上慨话，换言之31100至31199点同埋31200至31299点所有熊证全数死亡，呢度夹埋有239张期指；同时31300至31399点就变成最贴价慨熊证街货，呢度有成818张期指，再上100点，即系31400至31499点呢度，就有成994张期指，好明显呢两个位系最重货慨熊证范围，依家变到咁贴价，衰啲讲句：唔死都无用(包括埋只(67659))。
拆开恒指5分钟街货图睇，今朝就更系裂口高开啦，系9点35分第一支烛就已经出现咗个暂时高位，跟手恒指升幅虽然有所收窄，不过到依家都未补返今朝个上升裂口；而从技术指标睇到今朝港股上行被抢到高位之后，港股升幅收窄将技术指标数值拉返落嚟，到依家10点24分，见技术指标回到落中轴水平之后就已急不及待咁再次向上行返，虽则系日线图上暂时见到恒指呈“十字星”，but well，都唔重要啦，事关此前劲恒指多次超买但个升势都仲死唔断气之下，都反映咗呢期顺势而行比逆市投资强。
明白你同我慨忧虑系倒底依家个市系“高处未算高”定系“高处不胜寒”，若然想落场慨话，策略上做一啲短trade比较安全，事关呢啲摸着石头过河慨日子，升市系令人兴奋，但千祈不能被麻醉从而忘记“终有下行慨一日”；拣轮证方面，明白到依家价外Call轮成两毫子有啲贵同重，但佢好大慨好处系万一大市跣脚都唔会被人抵打靶；若然选择牛证慨话，就拣一啲远价少少，同现价有至少600至700点以上，比多啲buffer位自己。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
