【轮证赢家】准备迎接恒指破顶
上个星期睇恒指波幅指数(VHSI)预计大市将会有一个比较大慨波幅出现，配埋恒指“超买再超买”慨走势，第一击先派只熊仔出场，结果就当然系败北啦；跟手唯有拣只牛证出嚟，掉转枪头采顺势而行策略，上星期五(1月12日)恒指裂口高开，且再唔系十零廿点慨走势，讲紧慨系出现返三位数字慨变幅，于是再嚟多次恒指牛，同样地拣地远价少少，甚至出动恒指Call嚟博再上；结果今日开市，恒指再次裂口高开升290点，开报31702点。依家10点1分，恒指最高做过31722点，曾升逾300点。VHSI果然无呃人。
开埋恒指牛熊证街货图睇。用恒指暂时做过最高嗰口价去计，即系话今朝个裂口恒指一口气食咗三个范围慨熊证：31400至31499点；31500至31599点同埋31600至31699点，呢度夹埋有1394张期指，同时31700至31799点呢度由原本慨第四贴价区，变成依家第一贴价区，而呢度有相当于764张期指，虽然系未过千，但已经系最重货架啦。而万众期待慨31958点，讲紧慨只系排系第三贴价区(31900至31999点)，呢度暂时未见到重货，只系得150张期指啫。
至于下方牛证，由于发行商出慨牛证愈来愈贴价，变相依家最贴价慨牛仔系30800至30899点，但其实都同现价有逾800点差距；重货就系30500至30599点，呢度有相当于658张期指，虽然企埋啲就真系分多啲慨，不过呢啲时势就梗系要安全至上啦！(见图)
依家10点13分，恒指升幅比今朝开市时细咗啲，所以依家日线图上唔系出实色阳烛(即系高开低收慨阳烛)，就系变咁粒“十字星”。坦白讲恒指连升N咁多日，连14RSI都抢到82，确系好吸引人买跌慨；之但系转角市真系唔系咁易捉，唔好话依家个样呀，上星期恒指个样唔似要回咩？(唔系博佢大跌，只系博佢回一回调)，但结果都系要止蚀离开，可想而知依家大家个心系几咁雄，几咁想穿上31958点，再造另一个新慨高位。
更重要慨系，呢啲技术指标抢到颠，继而手痒博掉头，但恒指牛熊证街货话你知个势仲有得去慨情况之下， 10次都真系有9次系恒指牛熊证街图胜，唔讲远，讲返上两个星期心思思想博掉头就知啦。恒指牛(61566)，收回价30899点，虽然系一众牛证之中最贴价慨其中一只，但同现价有逾700点距离，属于安全之选得嚟呢度系同一收回价慨牛仔中最高杠杆慨一只。观乎呢几日个市都系一开市就弹高，然后下行，再回返少少就横行到收市，第二日又咁上下嚟讲，临收市吼5分钟图见超卖先好入场。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
