【轮证赢家】恒指先望32000点
㖊日拣咗恒指牛(61566)出嚟皆因见到恒指牛熊证街货图上有好多熊证系度，不过愈睇个市愈升愈有，好不容易等到下半场恒指5分钟SlowSTC(14,3)见到2字头，就忍唔住将只牛证送落场，若然是按㖊日策略慨话，就真系无位落场，事关㖊日收市前恒指5分钟图上无见过超卖，最后恒指仲升565点收工，收市报31902点，虽然未掂到31925点，但收市点数计就创咗历史新高；或者就系呢个“历史新高”令人开心得滞，今朝无啦啦收到个push话“恒指创开市新高”，我心谂：“奇怪，明明低开79点架，唔通啲data有错？”无几耐我收多个push，开首两只字已经系【更正】，真系吓死朕。
返到公司坐低，第一时间就当然系签返好啲病假纸同最紧要慨claim睇医生钱啦，10点未到见个市愈跌愈红，战友Jack问：“今日是真调整吗？”但无几耐个市又弹返上去，拆开恒指5分钟图睇，见到今朝9点55分恒指做咗目前低位31642点，刚好踩住咗条500线(5x100线)，跟手出咗“三个白武士”，补返今朝个下跌裂口；依家10点29分，恒指再次软皮蛇。
坦白讲，坊间已经有大把人讲恒指会破 31958个历史高位，有唔少仲好心雄话见39000点，我无水晶球更无预知能力，我唔知恒指之后会上到边，但我仍然好肯定慨一件事就系：唔系话个市无可能再升，皆因世事无绝对慨，不过恒指真系超买咗好耐，策略上应该以快为主。
更肯定慨系，从恒指牛熊证街货图中见到，上方熊证32000至32099点呢度嗰756张期指仍然占领熊证重货区之首慨位置，而呢度亦系第二贴价区；最贴价慨31900至31999点呢度就有336张期指，量系唔算多，咁讲真成村人轮流博市跌入put/熊仔都博咗咁多啦，仲买咁贴价慨熊证真系嫌命长咩，更何况下方牛证最贴价慨都讲紧31000至31099点，呢度先得485张期指；若然要数重货区慨话，仲要数到落去30800至30899点先到，呢度有1058张期指，但同现价(10点38分报31802点计)相差成1002点呢，恒指牛(64153)，收回价31223点，同现价有逾600点差距，虽然杠杆唔系话最高(呢度牛证约49倍 VS 同一收回价最高慨约53倍)，但胜在成交活跃嘛。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
