【轮证赢家】又创新高
今日凳都未坐，行紧返公司咋，就已经收到战友Jack慨WhatsApp：“净系得内银系咁升…”。返到公司斟完杯水之后，战友Jack补多枪：“内银痴咗！”口痕友(即系我)问：“建行10蚊未？”“建行(00939)嘛，好明显系依家个day high就系$9.39啦”能够因为呢啲无聊话语而笑慨，我谂都系得我哋两个，仲要有缘到周末两日都喺街到对方(当然包括埋我家老爷同佢家战友太太啦)。
睇返个市，恒指今朝开市报33335点，升181点；依家10点9分，恒指最高做过33484点，即系话33300至33399点嗰堆熊证已经死亡。开恒指牛熊证街货图睇，呢个位置原来等于熊证第二贴价区，计埋最贴价慨33200至33299点，呢度夹埋有1352张期指，绝对系一个营养丰富慨早餐。
继续睇熊证，依家最贴价慨变相系33400至33499点，呢度有相当于255张期指，而再向上数多100点，即系33500至33599点，呢度有相当于653张期指。本身今日睇恒指牛熊证街货图时，呢653张期指只系属于第二重货区，但第一重货区33300至33399点(有801张期指)都已经被大市晨早当早餐食咗。依家10点28分，见到恒指升幅比今朝早曾升逾300点系有所收窄，所以暂时恒指日线图形态上呈“倒T星”，如果呢个样持续至收市慨话，咁淡友好可能会大嗌：“机会嚟啦，飞云！”
系咪真系机会嚟？揾唔到飞云问慨话就再望望恒指牛熊证街货图啦，下方牛证最贴价慨系32200至32299点，有相当于517张期指；重货区就系第四贴价慨31900至31999点，呢度有相当于1427张期指；至于第二重货区就系32100至32199点，呢度有相当于940张期指，亦系第二贴价区。就用依家恒指做紧慨33304点计数，单计最贴价嚟讲都有成1104点差距，睇嚟呢粒“倒T星”都只能够作“观赏用”，并非往后日线图上慨“分析用”。
拆开恒指5分钟图睇，依家10点40分，恒指由今朝早高开生咗支大阳烛出嚟之后，就再筑多条“下降通道”下行，至今下行中亦未见有止步迹象，事关5分钟图上慨技术指标都未触底超卖作反弹，若睇大市会续乘内银股而破浪再上慨话，恒指牛(60723)，收回价32121点，，成交唔算多但胜在街货少同杠杆有约30倍，见恒指5分钟图超卖先送佢落场。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
