【轮证赢家】下面肥牛等埋你
㖊日恒指开市头五分钟之内已经再创新高，最高见过33484点，一下子抢到咁高摆到明啲技术指标同样见超买，去到朝早11点15分，朝早个大裂口已经补咗，以为咁就跌完啦，谁不知朝早上演一幕“高处不胜寒”之后，紧接慨系“低处未算低”，喺11点40分做咗个上昼低位32945点，而系呢段时间(补完裂口慨11点15分至做出上昼低位慨11点40分)，恒指5分钟图SlowSTC(14,3)出现严重超卖，抱着恒指会再升慨心态下，恒指牛(60723)亦顺利出现；上半场完结时，恒指上返去33300点，如是者就揽住只(60723)等下昼反弹。
下半场一开波恒指就似乎无力再上，来来去去都系上到331xx点呢啲水平，即系同个朝早裂口底部差唔多慨位置就原地踏步，好衰唔好系1点35分左右就见到恒指5分钟图SlowSTC(14,3)出现由此前慨超卖变超买，形态上恒指生咗个“圆顶”出嚟咁滞，咁多signal话你知你系时候要走只(60723)，计埋条数又刚好打个和，食白果都好过输呀；但如果你咁都唔走，系下半场3点25分时，恒指5分钟图SlowSTC(14,3)再次见到超买，呢个时候(60723)可能开始输入肉，之不过个市都第二次发出warning而都仲系唔走慨话，今朝个下跌裂口真系吓到心脏病发。
依家10点12分，mark底恒指现价32896点先，再开恒指牛熊证街货图睇，恒指虽然㖊日同今日都下行，但观乎呢期计亲现价同牛证慨距离都山长水远，唔紧要，恒指下行少少慨同时，其实都有贴价牛证同步上市慨，依家先牛证最贴价慨系32300至32399点，一计之下，两者竟然差距由过往慨逾千点缩窄到依家慨596点，呢度有成1124张期指架；再落多100点慨话，即系32200至32299点，呢度都有1082张期指，夹埋成2000几张期指，话就话今日系期结啫，此前升咁多咩数都够有凸啦；若然今日吽一日，到咗听日就系新一轮期货开始，呢2000张证都恐怕过唔到年。
上方熊证又如何？最贴价慨就系33400至33499点，呢度得225张期指，同现价比就相差603点；单计呢口价都同下行杀两层牛证街货差无几，但街货量就差好远啦。再加上今朝早战友Jack温馨提示我港交所(00388)同中国平安(02318)都穿咗条10天线兼无埋条“上升通道”，禾雀又未见，得返只企鹅腾讯(00700)力守中，一于挠埋双手、剥定花生等睇戏。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
