【轮证赢家】目标:20天线？
㖊日恒指裂口下跌之后，虽然朝早嗰段时间拼咗条老命咁向上爬，但可惜爬到上裂口顶之后(系有倒升过慨)，成班淡友就企喺个裂口顶，一见到好友只手爬到上顶时就一脚踩落去，力都唔留咁将好友踢返落去，跌到最底见32501点，10天线穿到唔穿；虽则话收市时叫做企返系条10天线以上，但今日再开市时就已经成粒烛跌咗落10天线(32662点)楼下。
日线图上啲技术指标都由此前严重超买出现回落，MACD见“熊差距”；SlowSTC(14,3)慨%K线好明显咁穿咗%D线；14天RSI都由最高峰慨88.41回落到依家见66.52；至于DMI慨+DI同-DI慨差距都开始收窄。若然转过去睇周线图慨话，今个星期呢粒阴烛同技术指标个样都似有耷头慨迹象。
依家10点28分，恒指做紧32418点，用呢口价计数，开恒指牛熊证街货图，上方最贴价慨熊证33000至33099点，同现价比就差582点先可以踩得入呢个范围，而呢个范围里面就有相当于108张期指，一啲都唔多；至于熊证重货区就要数到上33500至33599点，呢度有1585张期指，跌两日就储到过千张期指慨街货，都几反映到大家都想个市跌咁㖞。
再睇埋下方慨牛证，用恒指暂时做过慨最低位32330点嚟度，即系话32500至32599点、32400至32499点同埋32300至32399点(就当呢个位穿埋啦)，呢三个最贴价慨牛证全数死亡，而呢度夹夹埋埋都有成1144张期指架。同时32200至32299点就变成依家最贴价慨牛证，呢度就有相当于771张期指；若然再落多100点，即32100至32199点呢度，都有685张期指架，比起上行嚟讲，下行so过上行；再加上恒指日线图上，由上年12月初恒指踩住咗条100天线起弹跳嗰一下至早两日筑成慨“上升通道”，都被呢两日慨跌市破坏咗，唔好话由依家起步落多200点，就算落够300点，即返番去32000点，街货嚟讲就可以total食到1645张期指，走势上嚟讲有条20天线(31937点)做支持，个位靓到唔落都几乎对唔住自己咁滞。
恒指熊(61386)，收回价33000点，同现价有逾500点慨差距，约37倍杠杆适中，重点系成交劲度活跃，容易走位，吼恒指5分钟图见超买先好入市，动作快慨就做day trade；心狠手辣慨就小注望20天线；学我老师陈望祖话斋：“要坚持，做人要有信念！”(佢啱啱WhatsApp同我讲慨，但系我谂有时都要睇情况啩！)
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
