【轮证赢家】美股破天荒跌逾千点恒指Put乘胜追击
㖊日见到恒指失重心先跌20天线之后，下半场跌幅大为收窄，最后收市都只系跌300零点，恒指5分钟图SlowSTC(14,3)几乎全日都处于超买水平，变相㖊日全日几乎都系恒指Put(21216)落场慨时间；系就系收市见跌少咁多有啲惊，但总惊唔过8点未到就被人打电话嘈醒，然后系电话慨另一段大叫：“美股跌过千点呀！”Well，天寒地冻，放过我啦！
今朝港股咩境况唔使讲啦，相信大家都应该收到来自唔同app send出嚟慨notification；返到公司打紧呢只稿慨时候，恒指不停地跌，依家10点6分，恒指报30971点，跌1274点，坦白讲都真系好耐未见过千点慨数；跟手我揾返自己㖊日写个条稿“恒指发‘霜冻警告’”先发现，原来有内地media“帮手”将个内容先由繁转简，再一粒字都唔删、原汁原味咁post系佢哋个website度(简体咗慨广东话版本真系会睇得明架？学我大老细话斋：我唔知㖞！)
个市咁慨样，除咗放走㖊日只(21216)之外真系无咩好做，开恒指牛熊证街货图睇，用返几分钟前mark低个口价计数，望望日线图最低最过30858点。虽知道轮商网站慨恒指牛熊证街货图只系会列出恒指牛熊证1000点差距内慨街货量(即系10个100点范围)，换言之牛证嚟讲就只得返最低个行慨30800至30899点，呢度就系依家最贴价慨街货，有相当于568张期指，大户今朝一食就食咗3293张期指。上方熊证最贴价慨就系32700至32799点，呢度有相当于167张期指，同现价比慨话，首先要个市反弹1828点，咁就可以食到呢个熊证第一贴价区啦(比你都唔会咁做啦)。
日线图上，恒指其实今朝个大裂口下行，一挫就挫到落去保历加通道底(30978点)，低位计仲穿埋添；保历加通道虽然未有拓宽慨迹象，不过此前慨上升幅好明显咁开始转入横行(甚至之后可能下行)，若然再落就要数50天线(30598点)。至于技术指标方面，14RSI现报40.52，未算系超卖范围；MACD里见“熊差距”同DIV系负数，仲有最终极慨“双熊”系未出现架；至于感敏度较高慨SlowSTC(14,3)%K线当然跌穿%D线啦，唯两数分别报31.53同48.83，都系未正式进入超卖范围，最后DMI慨+DI当然低走于-DI，但两线只系喺㖊日出现相交，即系话呢个交叉未算最大。
㖊日只(21216)摆明由价外变价内架啦，今日拣只恒指Put(21530)，行使价30448点，系低过条50天线架，唔好睇佢换股比率成 11000，其实佢暗藏高杠杆、低引伸，笋盘嚟架！小注为妙，事关跌到咁，再跌落去应该唔会又千千声；若然屈返少少上去，咁你都无咁伤。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
放大图片
