【盘房来料】港股见50日线先买一注货
发布时间：2026-02-16
爽报 YesDaily.COM
207
美股隔晚崩盘暴跌，道指跟标指创单日最大跌幅，喺亚洲时段道指期货继续食泻药，较隔晚现货收市而跌逾千点，回落至23100点水平，几乎将2017年度升幅蒸发一半。美股打柴，令全球股市急挫，港股当然唔例外，临近中午散场，跌幅进一步扩大，直杀落50日线。而阿Man执笔之际，港股喺新加玻黑期已再跌200点，低见30300点水平，下试去年11月底所创高位30200寻找支持。
恒指裂口低开1216点，开市后跌幅一度收窄至959点，见31286点半日高，可惜获利沽盘夹住止蚀沽盘，令大市持续受压。临近中午最多曾跌1617点，低见30628点，逼近50天线(约30591点)，恒指中午收报30651点，跌1593点；国企指数报12657点，跌822点或6.1%，大市成交额1384.94亿元。
指数成份股全军尽墨，跌幅最低消费2%，中移动(00941)之前升得少，自然跌得少，仅跌2.8%，其他累计升幅大慨股份，闲闲地跌5%或以上。至于呢期大妈至爱慨内银股，普遍下挫6%或以上。大市超过九成股份下跌，跌势相当全面，阿Man早预大市有此一着，早已预告大家，1月份期指结算后，大户要大开杀戒，㓥肥牛开和牛大餐。
由于早已通知大家喺三万三水平减仓套利，留待调整低吸，今日正好系一个入货好机会，当然美股咁样跳楼法，唔少缸边友会认为股灾杀到，现水平唔应该入场。阿Man认为别人恐惧时，点都要拎少少勇气出嚟，呢个时候入场先买一注正股，唔做孖展，又唔买衍生工具，呢个水平，即接近50日线，已经可以入货。
至于港股呢边，最尽畀佢跌多三两百点，去番11月高位都系30200点，1月开局位喺30000点左右，目前喺30600点水平，差嗰几百点又何惧之有，面对波动慨狂牛，一定要有番咁上下胆色。
麦狄文
(徐狄怡‧证监会持牌人)
