【轮证赢家】跌完啦？
㖊日做到水都斟唔到、连厕所都唔得闲去，成日就坐咗喺张凳度对住个电脑、恒指图、电视同个打稿CMS，一到4点10分成个人散晒咁滞，恒指Put(21530)就当然有留意到啦，不过都要等到下半场1点45分至2点10分呢段期间，恒指5分钟图SlowSTC(14,3)出现超买，(21530)先有位落场，今次揸到下昼3点，见恒指5分钟图SlowSTC(14,3)由超买变超卖，(21530)可以收队；若然miss咗慨话，唔使惊，临收市前10分钟恒指5分钟图SlowSTC(14,3)再次跌到落严重超卖慨水平，讲紧个市都跌1500点楼上，全日最多都系见过跌1600点附近，(21530)仲唔走，等咩呢？
今朝起身开facebook，除咗见到各大传媒报紧台湾欢花莲地震单嘢之外，就系讲紧㖊晚美股来回地狱又折返人间十几次，裂口低开逾500点之后来来回回几转，到最后倒升500几点；然后今日日经、恒指、上证…全部跟升，合理呀，大家会认为咁深度慨调整一次就好啦，然后今日恒指弹700几、800几点，对于㖊日尾市执Call/牛证慨朋友(哗！咁真系好大胆呀！)又赚多餐下午茶。
依家10点半，收到消息话“因应流感爆发，当局将宣布小学及幼稚园明天起停课”，唔知我老细几时会宣布“因应流感爆发，大家今天起停工”呢？老细，我等你宣布呀！期间我继续睇住个市呀！恒指依家做紧31290点，升695点，摆明比今早升幅有所收窄；但呢口价放落恒指牛熊证街货图嚟讲就处于中间位，两头唔到岸系最麻烦架！唯有转睇技术走势啦！
日线图上见㖊日恒指粒烛系明显跌穿保历加通道底部同条50天线，今日一弹两线都失而复得，不过见下方技术指标似乎叫大家继续小心行事，SlowSTC(14,3)%K线同%D线分别报18.70同33.18，系落咗去超卖区，但SlowSTC(14,3)咁鬼敏感，%K线同%D线系绝对有机会见到个位数字；MACD慨“熊差距”同DIV处于负数区好耐，同时开始有出现“双熊”慨迹象；DMI方面，+DI仍然低走于-DI，至于14RSI就处于44.8，真心呢条线系未见超卖慨，似乎今日又可以叠埋心水做嘢(坦白讲呢两日打稿都真系打到手指痛)。
上年市旺，特别系近呢一两个月，多人睇市就自然多人check股价/用报价app，系就系生意好咗，之但系同时间都做死人呢！所以呢期回复读者慨email可能会比之前慢啲，Sorry啰，将就吓啦，我都系打工仔嚟架咋！我都要交数比我老细架嘛！(同埋手指真系痛，打得慢咗好多…)
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]
