【轮证赢家】期结前准备
㖊日恒指继续创新高，无他慨，目的都只系令“创新高”呢个字感到麻木；而前日推介慨吉利(00175)正股㖊日因技术反弹而跑出，前日推慨吉利Call(29277)最多升近八成，势估唔到公司developer同事Cyrus都睇中咗只吉利，可惜慨就当然系无落场啦，唯有同佢邻居同事Wilson分享，仲要被我企系佢哋后面发现佢哋睇紧我㖊日条文，Well，我都唔想架。
由于前日推慨(29722)已经由价外变价内，所以㖊日再整多只轻微价外慨吉利Call(19922)，谂住粗粗地博上10天线就算，谁不知只吉利唔单止穿咗条10天线，就连20天线都穿埋，最高见过26.95元，由于㖊日先推只(19922)，就当用开市价同最高价计，即(19922)最高升过47%，就算无呢个水位，半日升三成都叫做有交代啦。
同场加映咗只昆仑能源(00135)，系轮场嚟讲昆仑的确系二三线冷门嘢，但对比起恒指超买再超买到唔知几时咁，小注一博无频扑，见㖊日昆仑5分钟图系上半场11点55分至下半场开市至1点25分呢段期间，SlowSTC(14,3)出现超卖，有心做“美女”博昆仑Call(11453)呢只“野兽”变“王子”慨话，理应就系呢个时间试水温；至㖊日下半场2点50分至3点10分，昆仑5分钟图SlowSTC(14,3)%K线同%D线双双顶到尽见100，呢个绝对系将只(11453)收网慨时候，但可惜如果按入(11453)慨时间，只Call最低位慨平均价系0.24元，对比SlowSTC(14,3)顶point时见到慨0.239元，都仲系争一格先为本(未计手续费呀)，都唔知放好唔放好。若然呢个位放弃咗慨话就当输少当赢；如果揸过夜慨话，哼，今朝仲有一个机会，就系9点40分。昆仑5分钟图SlowSTC(14,3)再见超买，此时(11453)见0.255元；如果miss咗慨话，依家10点12分，见(11453)都仲做紧0.24元，勉强仲可以守得住，但恒指今日出现调整，虽则下个星期期结或者会再刺激市场气氛，但我哋揸住慨系轮嚟架，所以唔好用揸正股慨谂法想去守呀。
望返个市，今朝早开市先冲上32981点再创新高，但拆恒指5分钟图就见到一条“下降通道”生咗出嚟，依家10点15分，恒指5分钟图SlowSTC(14,3)见超卖，或者暂时可以叫做跌定唞一唞，再加上见恒指牛熊证街货图上，按今日暂时做过慨高位32981点计，即32900至32999点嗰439张期指已经被食得八八九九，变相可以视33000至33099点为最贴价慨熊证区，呢度有相当于626张期指，亦系重货区，既然下个星期期结，前夕时或会刺激激恒指上多一转慨话，何不唔视今日作为“大涨小回”慨“小回”呢？恒指牛(69126)，收回价31983点，同现价有逾800点距离，见到恒指又“创新高”慨话就好收手啦，乜你唔觉呢期恒指“创新高”完就好兴回落啦咩？
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]
