【轮证赢家】请问仲升定会掉头跌呀？
各位早晨呀！9点40分，能够开到部电脑打稿慨原因只有一个：系，我系屋企；能够呢个钟数都仲系屋企慨原因有两个：放假同Sick leave，放假慨话我系会单声慨，但sick leave嚟讲，真系无计，我开始怀疑我公司嗰层系咪变咗疫埠，事关上个星期病完之后㖊日又嚟过，顶唔顺五点就闪咗去睇医生，最后被个医生话：你发烧㖞，点解好似无乜事咁慨？唉，医生，唔通你想我话你知：我根本都唔知自己发烧⋯
只知道慨系㖊日由下昼1点40分做咗全日高位31733点之后，个市就唔知被边个传染，同我一样瞓底咁滞。拆开5分钟图睇，系下昼3点25分，恒指做咗全日底位31265点之后有跌定慨迹象，事关有条750分钟线(5 X 250线)支持住，不过，承如㖊日只稿所言，收市前吼个5分钟图见超卖位就入只恒指牛(61566)，到今朝我咬住老爷烚比我慨蕃薯做早餐，睇电视见做紧啲财经节目讲开市，恒指又裂口高开，开市报31423点；到依家9点51分，恒指进一步升至31528点，5分钟图见SlowSTC(14,3)都已经踩入严重超买范围，(61566)可以率先收工。
呢期都收到唔少读者话自已入咗Put/熊仔，又或者系问可唔可以入Put/熊仔，无论有无货都好，大家慨问题都应该得一个：个市跌未？呢个问题其实都缠绕咗我成个星期，其实上个星期我都试过入熊仔博跌架，当然呢个小注试水温倒头来被渌熟脚啦，因为恒指牛熊证街货图熊证仔慨吸引度，都真系有方法令到技术分析变得超买再超买。
依家9点58分，恒指现价31551点，上方熊证最贴价慨31700至31799点有相当于310张期指；重货区就刚好系大位度，即系32000至32099点，呢度有相当于936张期指，睇嚟大家都觉得恒指有机会升穿31958之后就无去路。
睇埋下方慨牛证，最近慨系30800至30899点，呢度有相当于1076张期指，系就系肥，但同个市争成751点㖞，我用番呢751点向上行呀，即系31551+751=32302点，用恒指牛熊证街货图度上去慨话，即系踩至32300至32399点，反过来计返下方所有熊证慨话，即系total可以食到2934张期指，咁你话向边边行着数啲？恒指牛(62336)，收回价31011点，同现价差400零点，开始有啲再贴价啲慨牛证出现，就算个市爬得几格，但都因为只证贴价、高杠杆而有好收获。
作者阿珊，从事财经及投资版报道超过10年，由平面媒体走到网络世界。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]
