【轮证赢家】恒指与100天线纠缠中
上个星期五(2月9日)恒指一个裂口低开跌穿30000点，拿拿声拣定只恒指Put(18305)出嚟谂住做day trade，结果等到朝早11点45分同埋下昼2点50分至3点半到，恒指5分钟图SlowSTC(14,3)出现超买，对于(18305)嚟讲系落场位，如果系早场入市慨话，咁系下昼1点40分至2点15分，见恒指5分钟图SlowSTC(14,3)由超买变超卖时，(18305)就应该功成身退；若然系下半场先嚟入市慨话，咁(18305)就只能够系尾市趁恒指5分钟图SlowSTC(14,3)出现第二次超卖时走人，否则就要过两日夜啦。如果上述两个出入位都成功慨话，咁应该都有10格8格落袋慨；但若然持货到今日慨，按今照恒指开市升206点，报29713点嚟计，可能真系会吓一吓；依家10点26分，恒指升幅有所收窄，升紧151点，报29658点，(18305)应该上返去接近买价慨水平，但系如果有位慨话都应该要走啦，事关恒指5分钟图上虽然依家恒指受制于500分钟线(5 X 100线，10点29分报29654点)，但由今朝到依家走势上恒指砌紧个“三角形”出嚟，同时SlowSTC(14,3)落极都只系中轴水平。
转返去睇日线图，今朝开市后无耐做咗个高位出嚟，系升穿过100天线(29617点)，咁当然啦，随着恒指升幅收窄，100天线得而复失，但见14RSI跌到落31.76，SlowSTC(14,3)低位%K线(8.623)升穿%D线(5.513)，估计短期内再跌慨机会较低。
依家10点35分，恒指报29616点，用呢口价计落去恒指牛熊证街货图上，下方最贴牛证系29100至29199点，呢度有624张期指，同现价比差516点；至于上方慨熊证最贴价就32600至32699点，呢度有相当于651张期指，不过呢个位置同现价就相差成3083点。
“现价同牛证咁近，咁咪即系会继续下行啰？”虽然依家咁计落系就系下行着数，但可惜从技术指标嚟睇，就算下行都唔会行得好远，更何况呢啲咁慨环境同前几个月一样，无贴价证，呢啲情况你估发行商仲唔拿拿声补咩；反正都临近新年，估计呢排都系偏静，就暂时由得个仓都系静啦！
今日农历十二月廿七日，小妹未咁快放年假，只系想同我公公讲声生日快乐！愿你在另一个世界继续快活过日！(老人家系计旧历生日架啦！)
作者阿珊，从事财经及投资版报道超过10年，由平面媒体走到网络世界，《钟摆战策赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]
