【轮证赢家】方向未明暂不动
㖊日恒指嚟一招先高后低，一幅死气沉沉慨样都真系呃得吓人，好彩都擘大只眼望清楚恒指日线图上啲技术指标有低位反弹慨迹象，惜见到恒指牛熊证街货图时，下行食牛个机会率似系高过上行食熊，系左右为难慨情况之下，唯有咩都唔好做，坐定定系度。
今朝恒指无啦啦反弹逾400点开市，开市报29850点；到正式开市之后恒指继续向上行，依家10点39分，同个地产PR Chloe倾住whatsapp先发现个市已经弹咗上去30000点楼上，日线图上见到恒指今日粒烛弹咗上去100天线(29636点)之上，下方慨14RSI、MACD同SlowSTC(14,3)都出现低位反弹慨清况，就连DMI慨+DI都由低位向上，准备同-DI相遇；都啱慨，上面有两个裂口，一个上星期五(2月9日)，29679至30251点，第二个就系上星期三(7日)，31472至31712点。依家10点54分，以恒指暂时做过慨高位30148点计，距离第一个裂口只系争103点咁大吧！
开恒指牛熊证街货图睇，依家10点57分，恒指做紧30090点，用呢口价计数慨话，下方最贴价慨牛证系29100至29199点，呢度有相当于1026张期指，唔好话系牛证重货区，根本就系成个表里面最重货慨一行，同现价比慨话，只要大市下行990点就可以食到呢餐。
至于上方熊证，最贴价就系32000至32099点，呢度有新增121张期指，应该系㖊日见到恒指先低后高时估大市会向下行而入贴价熊慨，不过又唔驶惊，就算依家个市升咗成600几点，但呢个位置同现价仲有成2009点慨差距，更何况如果个市弹得返上去32000点呢度慨话，未计升多99点食个堆期指啦，头先讲嗰两个裂口都补晒啦。
拆完个情况其实同㖊日好似差唔多，技术指标仍然看好，但恒指牛熊证街货方面就似系下行吸引啲，系无一个比较明确慨方向之前，都系继续坐定定系度，谂下听晚情人节同我家老爷去边度。
作者阿珊，从事财经及投资版报道超过10年，由平面媒体走到网络世界，《钟摆战策赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]
