月入$15,000要租楼公屋富户都买唔到楼
发布时间：2026-02-22
爽报 YesDaily.COM
202
文：Purple弟弟
公屋富户政策上年10月1日已经生效，笔者同家人一直都过住朴素节俭慨生活，心谂同“富户”理应扯不上任何关系，于是一直都无留意个政策实际内容系啲咩。
延伸阅读：
点睇2018楼市走势? 专家:中高价楼升幅高
唔想成世人为咗层楼 方法系尽快买多几层楼 | 供楼 | 租楼 | 财务自由
直至最近，屋企人同我讲，原来我哋屋企竟然系富户，如果今年4月审查过唔到，就要迁出现有公屋单位。
224万买唔到三人单位
咁我知道咗之后，即刻上网睇睇呢条例究竟系咩料子！原来三人家庭资产超224万元就叫富户，换转喺其他地方，224万元可以叫做好使好用，但呢度系香港！呢224万都系我同屋企人工作多年嚟死悭死抵兼投资有少许回报慨成果。如果我哋一家人被踢出公屋，用呢224万最多都系买到一个150－200呎单位，点住三个人！
绿表无着数
退一步，反正层公屋都要畀返人，抽绿表又如何？抽中虽然可以豁免压力测试，但系个单位系清水楼，装修费都一笔，仲交管理费！最大问题系香港楼价日日升，供私人楼都叫有得享受升幅回报，绿表居屋冇得出租，升值只是纸上富贵，唔关我事，咁我点解唔住返公屋。
人工太低过唔到压力测试
好啦我当呢224万元畀做首期去私人市场，想买个400呎单位已经唔洗谂，因为实用面积350呎多少少已经叫价接近400万，以我人工＄15,000嚟计，连压力测试都过唔到！剩低唯一解决方法就系父母除我名，自己出去租又好，揾朋友屈蛇又好，瞓街都好…总之就要自己死掂佢啦。
喺香港想向上流真系好难，当你储到少少钱果阵，仲要畀人逼出去租屋烧晒你笔钱，你话心唔心嗡！如果唔系一下子中六合彩，都无乜机会可以住到一个居住面积合理少少慨地方。
读咁多书人工得$13,000 每次听到都想喊
延伸阅读：
厨厕大执位 型格装修46万元有找
