【轮证赢家】等汇控反弹
今日个焦点相信都落咗系《财政预算案》身上，派唔派钱、派唔派糖、派几多钱同点样派糖，都成为咗近期市场“落注”同“开盘”慨主题，anyway，小妹都系旦求政府比我交少啲税同免下差饷，你派钱比我，我就当Bonus，弥补返今朝恒指曾插逾400点，拖低㖊日睇中慨银河娱乐(00027)，依家10点1分，银娱做紧68.15元，跌1.7%；拣咗慨银河牛(57025)㖊日有三个时段可以落场：朝早11点25分、下昼2点25分同埋3点35分，以呢三个时段轮证平均价计就约系0.061元，依家10点3分，见(57025)报0.05元，账面暂输11格。不过，恒指系呢个时候跌幅见收窄，睇返银娱日线图，10天线(67.29元)升穿咗条20天线(66.92)，呢个“短期黄金交叉”正正系㖊日睇中慨位，好！就比多少少耐性去等只银娱出业绩！(当然啦，touch wood个市失心疯再向下插慨话系无得唔走慨)
恒指呢期坐过山车都真系坐到头都晕，眼明手快慨朋友就当然可以用Call/Put或者牛/熊，用恒指5分钟，甚至我哋好耐之前惯睇3分钟图，用敏感度高慨SlowSTC(14,3)做来回Trade。
个股又有无得谂呢？比啲耐性总会揾到慨，不过就无乜心水咁解啫，既然系咁就按蓝筹股顺次序嚟睇啦，去到第五只，即系战友Jack伉俪至爱大笨象(00005)个日线图有啲计咁㖞，连续三日出阴烛虽则又未去到“三飞乌鸦”慨格局，不过条100天线(79.25元)已经何其样衰，MACD见“双熊”都不在话下，条DMI由上个星期二(2月20日)开始至依家，+DI都未升穿返条-DI都算，两者差距仲愈嚟愈大。好彩， SlowSTC(14,3)%K线(12.68)同%D线(18.54)双双进入超卖范围，转保历加通道睇慨话，现价系未跌到落去保历加通道底部(77.25元)慨，但都已经有条件将只大笨象拨入去“待反弹”慨List里面，若然 SlowSTC(14,3)%K线同%D线出现个位数，且股价杀到落去保历加通道底部慨话，咁就系反弹慨时候啦。
至于今日...就睇住份《财政预算案》啦！(亲，无论你部电话download咗边只新闻/财经app，都准备今日响爆个电话收push notification啦！)
作者阿珊，从事财经及投资版报道超过10年，由平面媒体走到网络世界，《钟摆战策赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]
