【轮证赢家】恒指20天线阻力唔细
㖊日个市对淡友嚟讲真系正到爆，原本朝早跌到落去11点半到就开始无事架啦，仲慢慢升返少少上去跟手横行，谁不知淡友喺下昼3点对表之后就一齐“冲呀！”“杀呀！”，质到个市跪低讲对唔住咁滞，失守30000点都仲未够，喺3点55分最低做咗29852点先至安落。若然见吼恒指5分钟图SlowSTC(14,3)出现超买时入只恒指熊(57385)做day trade慨话，收市前都已经可以食餬，按(57385)系约12点恒指5分钟图SlowSTC(14,3)出现超买作买入位，同埋下昼3点半打后恒指5分钟图SlowSTC(14,3)超买变超卖嚟计，食廿零三十格都真系唔成问题，以揾餐茶慨幅度嚟计，过夜都悭返。
今朝起身睇电视报返㖊晚美股表现，道指结束四连跌，换言之今日恒指理应跟外围造好啦；结果今朝系地铁度收到个push message“恒指高开494点，报30380点，重上100天线。”依家10点7分，开恒指5分钟图嚟睇，今日个高开概裂口真系清晰可见；不过咁大个裂口抢高晒啲技术指标，所以高开之后升幅出现收窄，但依家似乎收窄完，5分钟图见50分钟线(5X10线，10点9分报30236点)成为咗短线支持。
转返日线图睇，恒指依家处于20天线(30700点)同100天线(30014点)中间，而20天线由2月头开始到今都系下行中，再系咁落去唔排除20天线会穿100天线，形成中期“死亡交叉”。转保历加道通睇，自从上周三(2月28日)恒指穿咗条保历加通道中轴(即系20天线)之后，至今一直keep住系条20天线底度下行；系呀，恒指无跌到落保历加通道底部(29327点)附近先至作反弹，搞到个日线图+保历加通道中轴就好似山顶缆车咁，20天线就系嗰条缆，上个星期三至今日个五粒烛就好似五部缆车咁。
留意番，日线图上14RSI只见43.19，SlowSTC(14,3)都系未见超卖，更正慨系用恒指现价(10点20分mark到30254点)放落恒指牛熊证街货图做对比，由现价上行多746点先至踩到入熊证最贴价31000至31099点慨门口，呢度有相当于400张期指；下行慨话只要下行454点就到牛证最贴价29800至29899点，呢度就有相当于830张期指；若然下行多100点，即29700至29799点，仲有660张期指等住你添。恒指Put(19419)，行使价29888点，杠杆约12倍属偏高且引伸只约20%，街货就多咗少少，Over20%，但都系一两日货仔，甚至day trade都未定，所以OK啦。
作者阿珊，从事财经及投资版报道超过10年，由平面媒体走到网络世界，《钟摆战策赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]
