【轮证赢家】恒指要升我撑你！
上个星期五(5月11日)推咗两只恒指牛(68842)同(60467)，(68842)就唔系周五推佢出嚟慨，周四(10日)已经推咗佢落火坑架啦，只系周五谂住补多枪啫，但由于怕死慨关系(唔想过weekend呢)，所以喺周五见好即收；至于(60467)就真系周五先至点佢出嚟，如果同以往习惯一样，即系等恒指5分钟图见超卖先落场慨话，咁就真系要等到下昼2点40分先有机会，但系呢个时间落场慨话，除非尾市突然爆升啫，否则都要抱住一个揸过weekend慨心态。
揸住只证等两日又唔知市会发生咩事慨话系惊慨，但到今朝开市，见到恒指升逾300点又被人夹，莫讲话(60467)，是但一只牛仔都有好表现啦；无过到夜慨唔驶灰心，策略唔同啫，边个话今日唔可以重新再入市架？
睇返恒指日线图，依家10点6分，计埋今日慨话恒指连升六日，但当中就做咗三个裂口出嚟，而且计到目前为止，今日同上个星期五恒指都呈“十字星”；同同事Wilson+Josephine吹完水之后再睇返个市，已经升逾420点，做紧31548点，即系话若然今朝早见恒指升即追call/牛慨话，开市到依家差不多一个钟，又可以执到啲。“恒指仲有无得升呀？”有慨，但可能会有减速慨情况，事关敏感度较高慨SlowSTC(14,3)已经出现严重超买，%K线同%D线分别报93.82同84.50，而14RSI暂时见61.92，未踏到入超买范围。再睇埋恒指牛熊证街货图，依家10点30分，恒指最高做过31592点，即系话由31200至31299点，至到31500至31599点(争7点就豪埋比佢啦)慨熊证街货，而呢度夹埋就有成3382张期指。明明5月接下来得一日佛诞系公假啫，咩事要咁赶，半个月就好似做咗成个月慨数呢？Anyway，事实就系依家31600至31699点先至系最贴价慨熊证，呢度有相当于647张期指；至于重货区就系32000至32099点，呢度有相于1167张期指，迟早都会无埋。
点解咁讲？下方牛证真系可能出唔切，最贴价慨系30700至30799点，呢度有相于147张期指，10点41分mark底31572点，用呢口价嚟计，首先要大市由依家起步向下行872点先可以踏得到呢个范围慨门口，要食埋慨话就麻烦落多100点，即前后要972点先得。搞成接近1000点食得嗰147张期指，我支持你夹上去，恒指牛最贴价嗰只都同现价有逾800点差距，好话唔好听，只要你拣只街货唔好多过20%，成交大/活跃慨，都够打啦！
作者阿珊，从事财经及投资版报道超过10年，由平面媒体走到网络世界，《钟摆战策赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；微博：Gladyshan
