咪见大湾区就扑埋去教你分辨真笋盘|楼市入门|海外置业
【大湾区】咪见“大湾区”就扑埋去！要睇清楚什么是笋盘！
撰文：1%Anthony ｜图片：新传媒数据库
延伸阅读：
3个逾200呎蜗居靓装修 建地台变复式超实用
何远东打拼五年做业主 细细粒拥三个上海物业 | 星级理财
朋友： “大湾区系咪有前景呀？”
笔者： “有~~”
朋友： “咁我买啰。”
笔者： “买咩？”
朋友： “大湾区啰。”
笔者： “买边度？买咩楼？”
朋友： “唔知㖞，代理Send俾我，话系大湾区，实爆升！”
笔者： “大湾区咁大，加埋港、澳11 个城市，度度爆升咩？”
朋友： “系咩？睇睇先…”
笔者： “唔同地区有唔同发展，咪见到大湾区三个字就瞓身。”
朋友： “代理话系惠州，得唔得架？”
笔者： “惠州边度？”
朋友： “唔清楚㖞！”
笔者： “惠州都好大架。”
朋友： “有几大呀？有冇香港咁大呀？”
笔者： “你自己开个地图睇吓。”
朋友： “哗！”
笔者： “点呀？有几大呀？”
朋友： “睇落香港、深圳、东莞加埋都唔够佢大㖞！”
笔者： “咪系啰，位置配套好都要睇价钱，何况有啲好偏架！”
朋友： “好在问吓你唧，咁你之前睇嗰啲呢？”
笔者： “都有唔少同学买到笋盘，睇唔同人慨策略…”
大湾区中较近深圳、香港楼盘有优势
好似之前睇咗几个盘都唔错…
先讲位置，距离深圳都几近！
正如前文所说，大湾区地方好大，连同香港、澳门，是由11个城市组成的城市群，单就惠州的面积几乎已经等如香港、深圳、东莞的总和，所以位置非常重要。
如果唔计香港、澳门，最有钱的当然是深圳，如果位置上靠近深圳、香港肯定有优势，深圳位置好的新楼盘呎价动辄逾1万，稍有质素的二手屋苑，呎价都要5、6千，如果距离深圳不远，呎价只是1千多元，比较之下，自然会吸引到更多买家承接。
例如其中有几个楼盘，距离深圳边界只是十几分钟车程，天气好啲直头望得见。
名牌发展商开发有信心
再讲其他方面…
几个楼盘都是名牌发展商开发，根据过往纪录，质素不俗，最少唔会惊烂尾。
笔者又会特别留意开则，因为大陆楼的面积一般会比较大，尤其是大型住宅项目，很多都是三房、四房设计，如果开则大Lump Sum就会相差很远。
今次睇的楼盘开则都几好，建筑不到800呎已经可以做到三房间格，感觉仲大过香港的实用800呎，大部分房间都可以放到双人床。
再讲呎价大约1300~1500左右…
当然所讲的都是人民币，以80平方米即大约800呎多些少计算，总价大约100万多少少，数目也不少，不过其中两个楼盘最大的优势是可以做到最高70%成按揭，左扣右扣预65%稳阵，即是首期30多万就可以买到一个三房单位了。
有战友听到即时入飞，不过可惜笔者已经冇Quota，只能在旁呐喊助威，是咁的…大陆很多城市都有限贷政策，每个城市不同，代理告诉我在这个地区，如果首个单位做按揭最高可借7成，第2个单位做按揭最高可借3成，第3个单位或以上就借不到了，所以笔者要用另一种策略。
恭喜战友！买到笋盘又有杠杆！
编按：作者为1%投资培训的地产课程总监，著有《买楼上车防中伏》、《上车又住又赚》、《楼。转命运》、《工商铺小本投资入门》、《50 万上车》、《投资买楼赚钱笔记》等等，其博客《第一桶金》总浏览量逾300万人次，曾接受多间传媒专访及出任电台地产节目嘉宾主持，并担任TVB节目“有楼万事足”顾问。2000年科网股爆破，曾欠下近一年薪金卡数。经债务重组后，2004年股楼双线出击，短短四年由满身卡数打工仔，变出六层楼。其后与投资兵团大举出击投资物业，并进军商铺、工厦市场，以稳健投资策略，成功变出双位数物业。
facebook专页：www.facebook.com/anthony.wealth
去首尔扫货住边好？入嚟帮你格价揾至抵住酒店！
短trip游台北叉叉电，即订平、靓、正住宿出发！
去旅游想揾住宿？识睇一定睇呢到！
买到楼又惊上错车 点先做到一生三宅
延伸阅读：
3个90后女生创业故事 开水疗店 卖绣花鞋 做代购 个个赚钱
