【轮证赢家】恒指周线图见“三飞乌鸦”
㖊日食饱返嚟睇嗰市，计一计争100点唔到就已经补到周三(5月30日)嗰下跌裂口，虽则话下方牛证系远少少，但量街货点都吸引过上方熊证，但嗰100点都唔够慨水位，何必咁博呢？！去到下昼3点35分，恒指5分钟图上见一大支阳烛一下子就咁就补咗嗰裂口，唔系补完就算架，之后都仲有得上架，去到临收市时，大约3点50分到啦，做咗全日高位30533点出嚟。到今日恒指开市再升多80点，但到依9点49分，似乎恒指今日先升后跌咁，暂时跌37点， 报30421点；而㖊日喺微博度见到慨10天线同20天线重叠，几何确认慨“死亡交叉”今日就得以确认，因为10天线(30652点)已经确确实实跌穿条20天线(30702点)。
望望月历，我知今日系Happy Friday，但想讲慨系今日系6月1日，计返5月整个月都系跌340点，如果5月系应验咗“Sell in May”慨话，咁即系话要6月应验个“穷”就要整个6月跌多过340点先成事。要计用月嚟做单位慨嘢，又点能够用分钟图/日线图去睇呢，点都会转一转用周线图望吓慨(好似【轮证赢家】面世以嚟第一次用周线图)。
由5月7至11日嗰一个星期开始至到今日，周线图上先出现一支大阳烛，但期后就出现“三飞乌鸦”，咁就更系唔系好兆头啦，今个星期连条20周线(30892点)，亦即保历加通道中轴都失守埋，即系话恒指周线图现处于保历加下行通道，虽则14RSI现处于51.73中轴水平，但DMI慨-DI就嚟上穿条+DI，同时SlowSTC(14,3)慨%K线已经插穿咗条%D线，最坏打算就更系回到落保历加通道底(29080点)啦，不过呢个说法即系要个市很肯定跌穿30000点先得之余，仲即系话依家最贴价个10个范围慨牛证全数都会被杀晒(咁到时就唔会系呢堆数架啦)。
但系，上方最贴价慨熊证30600至30699点呢度有过千张街货留守，当中有逾一半系㖊日先至放低银両，转返个恒指日线图睇，会唔会恒指un上去食咗呢过千张期指之后先再有其他动作呢？睇返恒指日线图上慨保历加通道中轴(30705点)，呢个水平又真系刚好食到30600至30699点慨过千张街货慨同时，又处于保历加下通道话比大家知“系呀，我好弱架咋...”呢个故事编得完美过大台慨电视剧咁滞，重点，故事嚟慨啫，依家10点15分，恒指又倒升7点，反正又星期五，都系休战多日好过。
作者阿珊，从事财经及投资版报道超过10年，由平面媒体走到网络世界，《钟摆战策赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；微博#Gladyshan
