【轮证赢家】顺势而行入恒指牛
虽则上个星期五(6月1日)已经叫做开始咗个6月，但今朝开市恒指裂口升逾300点，先将5月初筑起短慨“下降轨”升穿咗，一弹之下，10、20同50天线(30645点、30755点、30580点)全部都收复番，就唯独是争条100天线(30980点)。承如上个星期五喺【轮证赢家】所讲，上星期五睇恒指牛熊证街货图时，上方最贴价慨熊证30600至30699点呢度有过千张街货留守，其实只要恒指un返上去保历加通道中轴慨话，就已经可以食得到呢堆重货熊证。依家9点48分，恒指最低做过30743点，斋计个低位都高位条保历加通道中轴，30600至30699点又点会有得剩？
咁依家又剩返啲乜呢？截至9点53分止，恒指最高做过30932点，换言之依家恒指最贴慨街货就系30900至30999点，而呢度就有787张期指守住，计一计数，今日大户已经食咗1900张期指落肚，多就唔系话好多，反正都只系月初，仲有时间慨。至于下方慨牛证，最贴价慨就系29900至29999点，而呢度就有844张期指，但同现价(10点2分报30889点)比，要大市无厘头掉头下行989点先可以食到呢一批街货，当然轮商会再出啲贴价啲慨证比市场去买，假设个市慨点数无乜非常大变化慨话，如是者牛证街货就会同个市近一啲。
依家10点18分，恒指暂时睇呈“十字星”，咁早出现粒“十字星”就无乜用慨，事关上方30900至30999点嗰787张期指，就等于一旧肉喺狮子慨嘴边一样，恒指牛(60726)，收回价29900点，同现价有逾900点差距，(60726)喺同样的收回价牛证中杠杆最高慨一只。一如以往，吼恒指5分钟图见超卖先至将只牛证送落场，小注好啦。
战友Jack今朝同我讲话佢太太(咪就系战友太太啰)整咗个爱心饭盒比佢带饭，well，小妹出嚟做嘢咁耐都无饭带过；不过重点系战友Jack话呢个饭盒有一少部分系属于我，因为战友太太整多一少份比我试，搞到我家吓咩都唔想做，战友Jack，你叮饭记得话我知呀！哈哈！多谢战友太太；然后隔离team拔爷请我食泰国买返嚟慨紫菜。
作者阿珊，从事财经及投资版报道超过10年，由平面媒体走到网络世界，《钟摆战策赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；微博#Gladyshan
