【轮证赢家】世杯临近恒指慢行
㖊日个weibo唔知点解upload唔到相，搞到我谂住同大家开心share吓到底战友Jack慨太太整咗咩正嘢比我食，认真，唔系咩惊天地、泣鬼神慨珍馐百味，只系一粒细细慨丸子，但重点在于战友太太晨早起身整好再比战友Jack带返工之余，有一粒写咗我名嘛！
不过，好彩㖊日个weibo都仲可以upload到啲字，策略上按顺势而行所以买，拣出嚟慨恒指牛(60726)喺下昼1点10分至15分，见恒指5分钟图SlowSTC(14,3)出现超卖，呢个就系买牛证慨好时机，就按(60726)最高同最低慨证价($0.091同$0.088)拉个中位数$0.0895作为买入价计，去到下昼3点15分到，恒指5分钟图SlowSTC(14,3由超卖变成超买，超买到%K线见100，呢个时候就梗系要将只(60726)收割啦，按恒指5分钟图上由㖊日下昼3点10分至3点25分，SlowSTC(14,3)都keep住超买慨时候，(60726)高低位拉个平均数($0.0985同$0.0975)再拉个中位数$0.098作为卖出价计，两个钟到就有约9.5%慨赚幅，可能你会觉得唔够喉，但买轮证咁短线慨投资，再见到SlowSTC(14,3)慨%K出现100，系一个钟摆到咁极端慨时候，你都唔放走你啲牛证/Call轮，咁真系无你办法。
再睇返今日个市，今朝一开见31009点，依家10点19分，高位暂见31036点，叫做升穿过吓条100天线(30982点)，依家当然无啦；“咁晏先嚟讲图”，唔系我今日晏返，只系今朝早一返嚟就同同事开咗个紧急会议，议题系：安装蚊网。我好认真架，唔好笑呀，当你遇过早几日作打风有只超级大小强硬闯入屋，较早前更遇过有蝙蝠飞入屋慨话，你就知道呢样嘢慨重要性！“有蝙蝠入屋？”系呀，仲玩咗我成大半个钟呀，我真心希望佢系明白人类慨语言(尤其系粗口)。
依家10点半到，见恒指今日似系高开低收仲要倒跌慨情况，就算由上个星期三(5月30日)开始至今生咗条“上升通道”出嚟，令到MACD同SlowSTC(14,3)都发出利好讯号，但系见14RSI处于中轴水平；恒指头顶无啦啦有条100天线阻住；最正慨系DMI慨ADX自呢条“上升通道”出现到今，数值愈嚟愈细，市愈上但ADX就愈细，咁就代表个市无力上，无力上又代表啲乜？你话啦。
开恒指牛熊证街货图睇，恒指最高点仍然系今朝见到慨31036点，而最贴价慨熊证就系31000至31099点，即系话以最高位嚟计恒指已经踩咗入熊证最贴价慨街货范围，而呢度就有593张期指。成个恒指牛熊证街货慨分布，好明显系熊证多过牛证，以恒指牛熊证1000点差距期指张数比例睇，牛：熊=1：9，无他慨，鬼叫条“上升通道”生咗出嚟兼依家系传说中慨“6月穷”，唔止，今年亦系四年一度慨世界杯，仲有8日(6月14日)就开锣，喺世界杯年对股市有个不成文慨影响，就系股市会喺世界杯进行期间成交会少，正常呀，四年一度+赌波合法化，成个地球慨球迷都就赛事玩两手，讲真我都会去买廿蚊啦。
但事实系上面啲熊证街货有好多，无理由唔食慨，唔通个市慢慢上行食熊(ADX无力嘛)，之后到开波就向下番(可能食晒啲熊证啦嘛)，就用保历加通道玩，依家恒指处于保历加通道中轴，以顶部(31494点)为估计佢慢升慨目标先啦。恒指Call(19410)，行使价31200点，轻微价外且成交活跃，仍然小注为上。
作者阿珊，从事财经及投资版报道超过10年，由平面媒体走到网络世界，《钟摆战策赢港股》作者。相信技术分析，由窝轮到牛熊证无一不炒，唔贪心，志在揾餐下午茶。
电邮：[email protected]；微博#Gladyshan
放大图片
